Деми Ловато живее во нешто помирен кварт во Лос Анџелес, но самата куќа е погодна за познатата ѕвезда.
Пејачката неодамна платила 7 милиони долари за луксузно стилски уреден дом, помалку од 3 месеци по продажбата на својот долгогодишен имот во близина на Сансет Стрип на холивудското брдо.
Оваа новоизградена модерна куќа се простира на 8500 квадратни метри и истата содржи 6 спални соби и 9 купатила, како и карактеристики кои се типични за домовите на познатите.
Надворешноста на домот е во нежни графитни и беж бои, а влезната врата води до скриена, луксузна оаза. Суптилно нагласените ѕидови, длабокото шумско зеленило во трпезаријата и каминот на дрва обложен со дрво од дното до плафонот во дневната соба им додаваат елегантен карактер на просториите, а стаклените врати во двете трпезарии и дневната соба создаваат чувство како да сте во природа, а не во куќа.
Главната просторија е со големи пропорции и содржи одвоен дел за канцелариски простор, со вградени плакари со посебен дизајн и сопствен минималистички камин. Главното купатило уредено е во манир на спа центар и истото содржи стаклен туш со слап и модерна када за целосно уживање и релаксација.
Пространиот гардеробер во главната соба содржи ормар кој се протега од подот до плафонот и е широк неколку метри, а може да се пофали дури и со сопствен кристален лустер. Од задната страна на вилата се наоѓа модерен базен со лежалки кои ги опкружува недопрена природа, но и специјален камин. Во дворот се наоѓа и целосно отврена кујна со вградена скара и голема маса за јадење.
Во дворот се наоѓа и гостинската куќа во која можат да се сместат неколку луѓе, а содржи 2 големи соби и 2 купатила.
Ловато го имаше својот дом на Холивуд Хилс отприлика 4 години, а истиот го купи во 2016 година за 8.300.000 долари. По 2 години го огласи имотот и на крајот го продаде минатиот јуни за 8.250.000 долари, па затоа не не чуди што решила да се почести со нова вила за исто толку завидна сума.