Искра Лоренс, еден од најпознатите плус сајз модели на светот, го очекува своето прво дете.
Среќната вест ја открила на Инстаграм преку фотографија со момчето Филип и тест за бременост.
“Повеќе не сме сами ние двајца, наскоро ќе бидеме тричлено семејство... Бевме шокирани кога ги видовме двете линии на тестот. Моментално сум 17 недели и три дена бремена. Никогаш не сум била волку возбудена да запознаам некого”, напишала манекенката.
Меѓутоа, она што многумина го забележале е дека ваквата објава за бременоста е означена како спонзорирана содржина во соработка со произведувач на тестови за бременост.
“Твојата вест за бременоста е буквално реклама”, “Дали само што објави дека си бремена преку реклама?”, “Што, ти требаше тест за бременост за да сфатиш дека си 4 месеци бремена?”, напишале дел од разлутените следбеници, но сепак преовладуваат добрите желби и честитките во коментарите на објавата.