Модната индустрија ги отвори вратите на трансродов модел со инвалидитет

Тоа не беа нејзините први ангажмани во модната индустрија, туку работеше и за брендовите како ASOS, H&M, но ја имаше и поддршката од модната агенција која ги застапуваше Хајди Клум, Наоми Кемпбел и Тајра Бенкс која широко ѝ ги отвори вратите на индустријата која не беше подготвена за да ги задоволи потребите на корисниците со инвалидска количка. 

"Работев како фриленсер една година и самостојно се обидував да водам кариера во трета година гимназија. Понекогаш сама морав да ги координирам снимањата и да пронајдам луѓе кои ќе ми помогнат додека сум на сет. Имаше многу подеми и падови. Разликата сега е многу драстична", објаснува Филип.

Таа е родена со церебрална парализа на Антигва и се идентификува како трансродова жена, Филип е личност без преседан во мејнстрим модната индустрија. Иако постојано ја одбива етикетата на активистка, не ги крие своите високи очекувања од модниот свет.

"И понатаму постои намалена видливост и внимание кон луѓето со инвалидитет во модата. Моментално јас и Џилиан Меркадо сме единствените модели со инвалидитет во цела индустрија", вели Филип.

Појавата на Филип би била незамислива пред само неколку години. Покрај тоа што е одраз на промените во модната индустрија, нејзиниот подем се должи на силата на социјалните мрежи.

"Својот успех го должам на Твитер. Социјалните мрежи беа платформата на која се позиционирав и им давав на луѓето до знаење какви ми се желбите. И луѓето тоа го прифатија и ме поддржаа", објаснува Филип.

Иако има силни ставови за тоа што треба да се менува во модната индустрија и општеството, Филип е едноставна, привлечна и заразно позитивна личност.

"Со оглед на тоа дека сум црна, транс и хендикепирана, сензационална сум до точка луѓето да ми кажат: "Арон е таква енигма", наместо да кажат: "Арон е само обична девојка која има свои соништа", рекла Филип, додавајќи дека Наоми Кемпбел имала големо влијание врз нејзината кариеа.