Некои жени се склони да веруваат во разни приказни, а митовите во кои верувале и нашите баби се пренесуваат од генерација на генерација.
И покрај бројните напредни мислења на експертите, многу жени сè уште не знаат што е точно, а што е мит. За таа цел, ви претставуваме неколку распространети мислења за женскиот циклус и вистината позади нив.
Редовната менструација е голем показател на плодност и тоа значи дека овулирате, но плодноста бара многу повеќе од тоа. За да бидете плодни, треба да имате здрави јајце клетки, матка и јајцеводи. За жал, тоа што вашата менструација е редовна секој месец не значи дека можете да останете бремени кога ќе посакате.
Ова донекаде е и точно, но бидејќи здравата сперма може да опстои во вашиот репродуктивен систем со денови, а циклусот варира, може да се случи да останете бремени. Исто така, не секое вагинално крварење е менструација – некои жени добиваат минимално крварење кое се појавува кога се близу до овулација.
Доколку пиете контрацептивни пилули, може да се случи изостанок на менструацијата поради хормоните кои влијаат на формирање на ѕид на матката, пишува “Cosmopolitan”. Доколку не пиете контрацептивни пилули, а менструацијата ви изостанува, задолжително консултирајте се со гинеколог.
Во минатото се верувало дека жените за време на менструацијата треба да одмараат и дека секоја напорна физичка активност може да доведе до зголемено крварење и болки. Научниците тврдат дека вежбањето пред и во текот на циклусот всушност може да помогне во елиминирањето на болките и да го намали апетитот за храна.
Ова не е точно – предменструалниот синдром е реален и се јавува поради хормоните кои се лачат во пост-овулацијата. Ваквите хормони предизвикуваат умор, промена на расположението, болка во градите, несоница и надуеност.
Овој мит воглавно се заснова на недоволното познавање за анатомијата на човековото тело и вагината. Цервиксот спречува тампонот да продре подлабоко, па затоа доколку ви се случи некаква незгода, можете да го извадите со прсти.
Тука станува збор за болка која ве парализира и не дозволува да станете од кревет и да ги завршите своите секојдневни обврски. Се верува дека болката за време на циклусот е нормална, меѓутоа болните менструации можат да бидат индикатор за некој друг проблем. Затоа, доколку имате ужасно неподнослива менструација, задолжително закажете гинеколошки преглед.