Кога добро се подготвува, сосот болонезе е совршен и за гости и за семејниот ручек во текот на работната недела. Порталот„ BBC Good Food“ сподели неколку совети како да го подигнете ова јадење на повисоко ниво, а многу е полесно отколку што мислите.

„Секому му треба едноставна верзија на сосот болоњезе што секогаш ќе биде вкусна, без разлика колку е основен рецептот“, наведува „BBC Good Food“.

„Тајната е во длабочината на вкусот – гответе го сосот бавно и долго додека не стане густ и богат.“

Овој рецепт е осмислен да биде достапен, но ако сакате да му дадете нота на луксуз, додадете пасата.

Зошто да се додаде пасата?

Пасатата е вистинско богатство на италијанската кујна. Таа помага да се продлабочи вкусот и создава мазна, полна основа за сосот. За разлика од доматот од конзерва или варениот домат, пасатата има посвеж и по-природен вкус, кој ќе ги збогати вашите болоњезе.

Ова мазно доматно пире е одлична основа не само за сосови, туку и за супи, чорби и други јадења, затоа е добро секогаш да го имате при рака.

Уште неколку трикови за болоњезе:

„BBC Good Food“ и италијанските готвачи препорачуваат за време на готвењето да се додаде малку црвено вино, кое му дава длабочина на вкусот, а врз готовото јадење да се посипат крцкави „pangrattato“ (трошки од леб пржени на маслиново масло).

Болоњезето лесно можете да го прилагодите на својот вкус – послужете го со топол леб со лук или додајте малку лути зачини во сосот ако сакате попикантни јадења. Традиционалниот рецепт за болоњезе нагласува рамнотежа помеѓу меленото месо, зеленчукот и доматниот сос.

Како што наведува порталот „Dishdashboard“, „пасатата, како пире од цеден домат, дава мазна и живописна основа за сосот, овозможувајќи другите состојки да дојдат до израз“.