Инфлуенсерката не се потпира на скапи третмани, туку на четири едноставни, но моќни принципи, кои ги практикува секојдневно, а резултатот е кожа што зрачи со здравје и свежина, без разлика на годините и грижата со креми.

1. Сонот е најубавиот филтер

Додека спиеме, не се одмара само телото, туку и кожата. Навечер доаѓа до регенерација на клетките, а како што вели Џим: „Сонот го намалува хормонот на стрес, кој често е причина за црвенило и воспаленија на кожата.”

Нејзината препорака е едноставна – спиј минимум 7 часа секоја ноќ.

2. Движење = циркулација = сјај

Верувале или не, оваа витална дама неодамна истрчала маратон. Во едно од своите видеа објаснува: „Телото го сака движењето, а кожата тоа веднаш го покажува.”

Физичката активност ја подобрува циркулацијата, овозможува доток на кислород до клетките на кожата и побрзо отстранување на токсините. Резултат? Сјајна, здрава кожа без дополнителни филтри.

3. Храната како козметика

За Џим разновидната и шарена исхрана е клучот: многу овошје, зеленчук и квалитетни протеини во секој оброк.

Еве како одредени нутриенти придонесуваат за здравјето на кожата:

• Витамин C го поттикнува создавањето на колаген (најмногу го има во црни рибизли, брокула, магдонос);

• Витамин E ја зајакнува заштитната бариера на кожата (се наоѓа во јаткасти плодови, на и батат);

• Омега-3 масни киселини имаат противвоспалително дејство (авокадо, риба, семки од чиа).

Овие состојки ги внесува секојдневно, најчесто преку утринско смути кое станало нејзин ритуал.

4. Позитивниот став ги брише брчките

Можеби најубавиот совет што го дава Џим е: „Разбуди се благодарна. Позитивното размислување прави чуда за твојата кожа.”

Хроничниот стрес не е само емотивно оптоварување, тој буквално го забрзува стареењето на кожата, предизвикува воспаленија и појава на неправилности. Смирен ум значи и опуштени мускули на лицето, а со тоа и помалку брчки.

Џим Тан е жив доказ дека не мораш да вложиш богатство за да изгледаш младо. Конзистентноста во малите работи, добриот сон, движењето, избалансираната исхрана и смирениот дух — сите тие се темели на нејзината сјајна кожа.

„Вистинската убавина доаѓа одвнатре,” порачува таа, и тоа на нејзе навистина се гледа.