Анок Јаи станала модел на годината, иако оваа информација се знаела речиси еден месец пред самата церемонија, што докажува колку Анок станала незаобиколна појава во модната индустрија.

Наградата ѝ била врачена на 1 декември на свеченоста „The Fashion Awards 2025“ во лондонски „Royal Albert Hall“.

Убавата манекенка и „жива кукла“, како што ја нарекуваат, со ова го зацврстила своето место во модната индустрија и покажала дека пред неа е блескава кариера.

Која е Анок Јаи?

Оваа убавица многумина одамна ја споредуваат со Наоми Кембел, а таа уште од мали нозе се трудела да изгледа единствено поради што врсниците ја гледале чудно.

„Мојот стил тогаш немаше смисла. Имав тематски денови кога на пример од глава до пети ќе облечев крзно, вклучувајќи и крзнена футрола за телефон“, изјавила таа во една прилика.

Анок е родена во Каиро, додека пак нејзиното семејство побегнало од Судан, а подоцна се преселиле во Америка и започнале нов живот.

Случајно ја открил фотограф, ја фотографирал и потоа нејзините фотографии станале вирални.

При т.н. „homecoming“ недела таа присуствувала на забавата на Универзитетот Хауард и одлично си поминала кога фотографот Стив Хол ја прашал да ја фотографира.

Таа се согласила, после што Хол ги објавил фотографиите на својот Инстаграм профил не знаејќи што ќе следи понатаму. За кратко време тие привлекле над 20.000 допаѓања и внимание кај модните агенции. Меѓутоа, таа прво помислила дека се шегуваат и ја исмеваат.

Подоцна одлучила да го напушти студирањето биохемија и целосно да се посвети на модата. Родителите ѝ дале поддршка во одлуката.

За време на школувањето децата ја навредувале поради бојата на кожа, но Анок секогаш знаела дека таму некаде ја чека иднината од соништата.

Во текот на кариерата носела ревии за „Versace“, „Max Mar“, „Fendi“, „Valentino“ и многу други, а станала и првата афроамериканка по Наоми Кембел која шетала на пистите на „Prada“, односно имала чест да ја отвори ревијата.