Доколку не сакате да се откажете од прекрасната шпанска пита за време на Божиќниот пост, не морате.

Потребно е само да направите посна варијанта која еднакво е вкусна како и мрсната варијанта.

Брзо се подготвува, така што спаѓа во листата на брзи и вкусни рецепти на кои постојано им се враќаме.

Состојки:

- 3 шолји бело брашно;
- 3 шолји пченкарно брашно;
- 3 шолји кисела вода;
- 3 шолји масло за јадење;
- 1 ќесичка прашок за печиво;
- 3 исечкани кисели краставички;
- 2 кисели пиперки исечкани на коцки;
- 2 рендани моркови;
- сол по вкус.

Подготовка:

Помешајте ги сувите состојки: брашното и прашокот за печиво.

Во друга чинија изматете ја киселата вода и маслото за јадење, па додадете ги киселите краставички, киселата пиперка и морковот.

На крај помешајте го брашното со состојките од другата чинија.

Ставете ја смесата во тепсија и печете на 180 степени околу 30 минути.

На здравје!