Според источните верувања, овие зелени растенија, бујни и здрави, носат добро расположение и ја елиминираат негативната енергија, за која се верува дека привлекува пари како магнет. Поради своите необични листови со кружна форма, се смета за среќно растение во фенг шуи, кое привлекува богатство. Можеби сега е вистинското време да набавите едно.

Во Европа и Америка се одгледува исклучиво како собно растение. Во зависност од условите во просторијата, изложеноста на станот, температурата на воздухот и сезоната, на растението треба да му се обезбеди соодветно наводнување. Сака добро дренирана почва и не премногу влажна. „Pilea peperomioides“ - „кинески долар“ или „кинеско дрво на парите“ - е растение кое сака индиректна светлина.

Велат дека привлекува среќа и пари како магнет. Го нарекуваат најпознатото растение на Инстаграм, бидејќи ќе го видите на фотографиите на познати инфлуенсери и блогери. Како растение кое внесува позитивна енергија во домот, ја отстранува негативната енергија, привлекува пари, благосостојба и среќа.

Кинеско дрво на парите

Кинеското дрво на парите или кинески долар е лесно за одржување, расте бавно, не го напаѓаат штетници и болести. Потребна му е многу светлина, никогаш директна, а во убаво време може да се чува на тераса, но не и на силна сончева светлина. Во зима, мора да биде во затворен простор, бидејќи температурите под 10 степени не му одговараат. Обично расте до 30 сантиметри.

Експертите велат дека растението е загатка за европските ботаничари со години. Пристигнало во Европа во 1906 година, а ботаничарите го донеле од Кина, од повеќе од 4.000 метри надморска височина. Во Европа и Америка се одгледува исклучиво како собно растение.

Кај нас, може да се најде во цвеќарниците и на пазар. Во азиските земји, овие растенија се одличен подарок и често се пренесуваат од генерација на генерација.