Затоа е важно не само да се избираат врз основа на изгледот, туку и да се земат предвид начинот на изработка и материјалите бидејќи тоа покажува колку суви ќе останат вашите стапала и дали вашите чизми ќе траат целата сезона и ќе ја дочекаат следната есен.

Кога ќе пронајдете пар чизми кои се и практични и модерни, тие ќе бидат вашиот главен сојузник во текот на целата есен и зима. Само треба да знаете што да барате.

Изберете шиени, а не залепени ѓонови

Кај квалитетните чизми, ѓонот не е само залепен, туку е зашиен на горниот дел од чевелот, па затоа нема да ви се случи додека одите, одеднаш да почувствувате дека чизмата пукнала.

Шиените чизми се поотпорни на влага и траат подолго, бидејќи лепилото може да „пропушти“ со текот на времето, особено ако често одите по влажни улици. Токму шиењето ја прави разликата помеѓу евтини обувки за една сезона и квалитетни чизми што траат.

Обрнете внимание на ѓонот и стабилноста

Идеалните есенски и зимски чизми имаат подебел, релјефен гумен ѓон кој не се лизга на влажни површини. Тенките, мазни ѓонови секако изгледаат елегантно, но се непрактични за дождливи денови и заледени улици.

Ако планирате да одите на подолги прошетки или да ги носите секој ден, изберете флексибилни, но цврсти ѓонови кои го ублажуваат вашиот чекор.

Добро разгледајте ја поставата и материјалот

Природната кожа или висококвалитетната еко-кожа „дишат“ подобро и траат подолго од вештачките материјали, но важно е да се има предвид дека текстилната или флис поставата обезбедува дополнителна удобност и топлина.

За преодниот период, најдобри модели се оние со тенка постава и водоотпорен слој, така што вашите стапала ќе останат суви дури и кога времето ќе ве изненади.