Нејзиниот свршеник, 55-годишниот стоматолог и претприемач Џејми, ја запросил само пет месеци по нивното запознавање во март минатата година. Денес живеат заедно во неговата вила во Далас, а Пејџ често зборува за обвиненијата дека е „подготвена на сè за пари“.

„Пораснав сиромашна и знаев дека нема да останам така“, изјавила таа. „Сама инвестирав во вештини за висока заработка и континуирано образование – но би била луда да се омажам за некој кој е финансиски еднаков со мене или помалку успешен, а кој би ме влечел назад.“

Пејџ работи како UX дизајнерка на една AI-платформа и вели дека додека излегувала со мажи на своја возраст – од неа се очекувало секогаш да дели сметка. Денес, со Џејми, тврди дека „кавалерството не е мртво“.

Врска изградена на улоги и почит

Џејми истакнува дека разликата во години позитивно ја обликувала нивната врска.

„Разликата ни овозможува јас да бидам маж – а неа да ја почитувам како жена“, изјавил тој. „Таа се огледува на мене, но и јас на неа. Ми дозволува да ја разгалувам, а тоа ја смирува – и ме инспирира да бидам подобар.“

Пејџ се согласува:

„Врските каде сè се дели пола-пола се измама. Од жените се очекува да бидат убави, да создадат дом, да работат полно работно време, и притоа да бидат емоционална поддршка за сите околу нив.“

Таа објаснува дека „хипергамијата“ – тенденцијата жените да избираат партнер со повисок статус – постои отсекогаш.

„Фразата ’подготвена на сè за пари‘ е измислена за да ги засрами жените кои ги ставаат стабилноста и сигурноста како приоритет.“

Лекции од тешко детство

Пејџ пораснала гледајќи ги нејзините родители како се борат со преживување.

„Го видов стресот, борбата, како финансиската нестабилност ги уништува здравјето, односите и мирот“, вели таа.

„Развив силна работна етика и самостојност – но и зрело разбирање што значи финансиска сигурност за жена. Тоа многу влијаеше на тоа што свесно ја избрав стабилноста, партнер со живот усогласен со иднината што ја посакував – не поради пари, туку затоа што знаев како е кога ги нема.“

Живот граден со намера

„Она што ме привлече кај Џејми не беа само финансии – туку емоционалната сигурност, конзистентност, водство, заштита и мир“, нагласува Пејџ. „Банкарска сметка не може да глуми такви квалитети.“

Денес нејзиниот живот делува мирен: работи во корпоративен сектор, создава луксузна содржина "online" и конечно ужива во стабилност што ѝ овозможува да планира. Првпат се чувствува поддржано – емотивно, финансиски и креативно.

„Да излегувам со постар човек не беше лов на пари. Беше избор за зрелост и компатибилност“, додава таа. „Луѓето погрешно мислат дека финансиската стабилност е само за купување дизајнерски работи – а тоа се само бонуси. Станува збор за емоционална регулација, одговорност и животно искуство.“

Иако тврди дека врската не се врти околу пари – Пејџ често објавува видеа на "TikTok" со својата дизајнерска гардероба: „Christian Louboutin“ потпетици, „Rolex“ часовници, фотографии во „Rolls-Royce“ и пред вилата на Џејми.

„Не се сфаќам премногу сериозно“, вели таа. „Сигурна сум во нашата врска – затоа негативните коментари не ми пречат. Ако некој сака да ме нарече ’подготвена на сè за пари‘, ќе одвојам време да им објаснам колку е тажно што тоа го гледаат како нешто лошо.“

„Учиме еден од друг“

Џејми додава дека ретко размислува за нивната 26-годишна разлика.

„Едноставно сме исти“, вели тој. „Со жени на моја возраст не се сложувам. Често се заглавени во навики – а јас сум отворен за нови перспективи.“

„Пејџ е јин на мојот јанг. Учам од нејзините погледи. Се согласуваме во главните вредности – а за малите работи учиме едни од други секој ден.“