Денешните генерации растат во дигиталното време и колку и да сакаат родителите да ги оддалечат од екраните, понекогаш тоа е невозможно. Некои родители сметаат дека децата воопшто не треба да бидат пред екран, додека други прифаќаат компромис и ограничување на користењето на мобилните телефони, бидејќи сепак сакаат децата да имаат допир со светот во кој растат.

Каде да се пронајде границата и да се повлече линија е многу тешко и токму тука лежи еден од најголемите предизвици во модерното родителство.

Дури и познатите личности не се поштедени од слични проблеми и дилеми и често мислиме дека тие живеат многу посјајни и безгрижни животи, заведени од светлата на рефлекторите, но тие всушност се „обични“ луѓе и нивната секојдневие е иста како кај повеќето од нас. Значи, и нивните проблеми се исти

Актерката Кетрин Хејгл и нејзиниот сопруг Џош Кели исто така имаа предизвици кога станува збор за користењето на телефони кај нивните деца, па воведоа посебни правила.

Актерката раскажала дека забележала дека нејзините деца, Нејли (16), Аделаида (13) и Џошуа (8), стануваат „мали зависници“ од своите телефони, што ја натерало да создаде нови правила кои ќе важат во нивниот дом.

Со правилата почнале минатиот септември кога забележала дека почнуваат да попуштаат во училиште.

„Секогаш зборувавме дека нема телефони пред спиење, но тие тајно внесуваа уред и остануваа будни до доцна, што резултираше со лош сон и неподнослива раздразливост следниот ден. И беше како – ова не е здраво“, раскажала Кетрин Хејгл за „People“ во јули.“

Како резултат на тоа, актерката и нејзиниот сопруг донеле одлука да постават одредени ограничувања кога станува збор за користењето на телефони.

Три дена во неделата воопшто нема мобилни телефони

Ѕвездата од серијата „Вовед во анатомија“ рекла дека нејзините деца немаат пристап до телефоните три дена во неделата: вторник, четврток и недела.

„Во сабота ги добиваат по ручек. А телефони добиваат само во понеделник, среда и петок по училиште и домашните задачи, до времето за спиење, а подготовките за спиење ги почнуваме во 20 часот“, вели актерката.

Таа додала и дека нејзините деца „никогаш“ не смеат да носат телефони во своите соби навечер и ги ставаат да се полнат ноќе во спалната соба на родителите.

Како реагирале нејзините деца на правилата?

Како што открила актерката, првите неколку недели децата изразувале бес, здодевност и фрустрација пред да се навикнат на распоредот.

По периодот на прилагодување, Кетрин Хејгл изјавила дека нејзините деца „почнале да развиваат други интереси“.

„Почуствував огромно олеснување. Децата уште не научиле како да се саморегулираат и дисциплинираат, па мораме ние да ги научиме“, раскажала актерката.

Таа открила дека нивната прва ќерка не добила телефон додека не наполнила 12 години, а нагласила дека сакале да почекаат до 16-тиот роденден.

Што се однесува до нејзините две помлади деца, Аделаида имала околу 10 години кога актерката попуштила и ѝ купила телефон, а Џошуа добил еден кога бил многу помлад.

Кетрин порано, во април, отворено зборуваше за „E! News“ за тоа како се справува со правилата за користење на телефони, споделувајќи дека тоа е начин да се намали времето што нејзините деца го поминуваат на интернет и да се поттикнат да најдат алтернативни начини за забава.

„Современите мајки навистина мораат да се носат со ова на начин на кој нашите мајки не мораа. Секогаш сум чувствувала дека не можам целосно да им го одземам тоа, бидејќи тогаш тие всушност не се дел од светот. Сите нивни пријатели се таму и сите нивни училишни задачи се таму“.

Исто така, отворено зборувала за новите вештини што нејзините деца ги стекнале во слободното време, споделувајќи дека Нејли почнала да се занимава со печење и готвење, а Аделаида изразила желба да биде актерка.

Тоа исто така им помогнало на нејзините деца да се поврзат.

„Аделаида и нејзиниот брат почнаа да свират музика заедно. Аделаида свири електрична гитара, Џошуа тапани — и всушност се многу добри.“