Врската на бразилскиот фудбалер Хулк долго време беше обвиена со тајни и шпекулации. Според "LADbible", Хулк конечно проговори за големата заблуда околу неговата врска, пред да се ожени со внуката на својата поранешна сопруга. Гиванилдо Виера де Соуза‘, попознат како Хулк, привлекува внимание не само поради неговата физичка сила и моќен удар, туку и поради бурниот приватен живот.

Во 2007 година, Хулк се ожени со Иран Анџело. Нивниот брак траеше повеќе од една деценија, но заврши во 2019 година. Наскоро потоа, почнаа да кружат гласини дека ’Хулк‘ е во врска со внуката на Иран, Камила Анџело. Двојката официјално се венча во септември 2020 година, а верската церемонија се одржа во јануари оваа година. Хулк и Камила имаат две деца.

Обвинувања за афера – Хулк ги демантира

Врската на Хулк со Камила долго време предизвикуваше шпекулации дека биле во тајна афера додека тој сè уште бил во брак со Иран, со која има три деца – Иан, Тијаго и Алис. Сепак, фудбалерот жестоко ги негираше тие тврдења.

Играчот на Атлетико Минеиро се огласи на Инстаграм, велејќи:

„Никогаш не бев во врска со ’Камила‘ додека бев во брак. Не бев среќен во мојот брак. Имав безброј причини.“

Хулк призна дека „цел брак ја изневерувал Иран“, но додаде дека таа „живеела како самец“. Тој ја обвини својата поранешна сопруга за лаги и изјави дека останал во бракот само поради нејзината бременост.

„Почнавме да се гледаме, а ти остана бремена за помалку од еден месец. Иан, Тијаго и Алис се родија со Божји благослов“, рече тој.

„Мојот брак не произлезе од љубов, од страст, од ништо. Тоа беше несреќа што остана бремена со Иан. Ја преземав одговорноста. Од моментот кога започнав да излегувам со тебе, се грижев за тебе и целото твое семејство.“

„Со Камила бевме слободни“

Додавајќи на својата одбрана, Хулк објасни дека тој и Иран‘биле разделени повеќе од една година пред да започне неговата врска со Камила. Тогаш, тој играше за ’Шангај‘ во Кина.

„Камила дојде во Кина. Не сметам дека сум грд, а и млад сум. Камила е млада и извонредно убава. На крајот, се зближивме. Бевме слободни“, тврди тој.

„Се вративме од Кина и ѝ ја кажавме вистината на нашата фамилија, а ти отиде во медиумите. Имам чиста совест. Ако сакаш да продолжиш да ме проколнуваш и да ме третираш како чудовиште, тоа е твој избор. Но, критикувај врз основа на вистината.“

Иран претходно изјави дека никогаш нема да ѝ прости на Камила, велејќи дека „ѝ дала сè“.

„Што сум згрешила, Боже мој, тоа е затоа што премногу сакав и премногу верував“, изјави таа.