Ова се шесте најефективни родителски стратегии според Блох.

Знајте кога да се вклучите и кога да се „повлечете“

„Важно е да научите кога е потребно да се вклучите во животот на децата и да им пружите поддршка, но и кога да се повлечете и да ги оставите децата да преземат одговорност.

Најдобрите родители се усогласени со своите деца и точно знаат кога треба да поактивно да се вклучат и кога е подобро да набљудуваат оддалеку“, истакнува Блох.

Бидете достапни

На децата понекогаш им е потребна поголема родителска поддршка, додека во други моменти се чувствуваат понезависно. Без оглед на тоа, важно е секогаш да бидете достапни за разговор и поддршка, дури и кога се чини дека децата се добро.

Едукаторот додава дека редовните разговори и комуникацијата помагаат во одржувањето на поврзаноста.

Фокусирајте се на чувствата, а не на решавањето на проблемите

„Сите сакаме да ги решиме проблемите на своите деца, но понекогаш покорисно е едноставно да ги сослушаме. Тоа значи да бидете присутни и да ја сослушате нивната болка, борбата или разочарувањето, без обид веднаш да им понудите решение. Обидете се да ги препознаете и нормализирате нивните емоции и да им помогнете да се справат со непријатните чувства додека не бидат подготвени да го решат проблемот“, советува Блош.

Бидете конзистентни

Конзистентноста во љубовта, границите и сигурноста се клучни за чувството на сигурност кај децата. Исто така, ја поттикнува довербата во врската, што ја олеснува дисциплината и го поддржува развојот и учењето.

Најдете време да си играте со децата

Едукаторот вели: „Најдете време, без разлика дали тоа е еднаш неделно, двапати неделно или месечно, за квалитетно време поминато со децата.

Тоа може да биде игра, возење со автомобил додека ја слушате нивната омилена музика или прошетка. Тие заеднички моменти овозможуваат отворена комуникација и им даваат на децата чувство на припадност и поврзаност“.

Бидете цврсти но и љубезни

Да се биде цврст значи да поставите јасни очекувања и граници за вашето дете. Ова не значи да се биде строг, туку да се обезбеди структура и безбедност.

„Децата најдобро напредуваат кога знаат што да очекуваат. Љубезноста вклучува сочувство и разбирање и помага да се изгради доверба и емоционална врска. Поставувањето граници во соработка со децата ги зголемува шансите за нивно прифаќање“, заклучува Блох.