[ФОТО] За неа велат дека е најубавата Албанка некогаш родена: Лицето ѝ е толку совршено што сите мислат дека е „пластична“, но таа го негира тоа

Во ноември минатата година, убавата бринета ја претставуваше Албанија на изборот за Мис Универзум, а иако не постигна висок пласман, ја маѓепса светската јавност. Така барем покажаа гласовите од публиката, според кои Енди е една од топ 5-те финалистки на изборот.

Енди се занимава со манекенство од 2014 година, а по сопствено признание во текот на кариерата осцилирала со килограмите, па вели дека во последните неколку години ослабела вкупно околу 20 килограми.

Многумина ја сметаат за најубава Албанка, а тамошната јавност често шпекулира дека таа направила низа естетски интервенции на лицето. Таа категорично го демантираше тоа, посочувајќи дека од мала има полна уста и мал нос.

„Се дебелеев и слабеев, моите црти на лицето се менуваа како што растев и созреав, но не, не сум направила пластични операции. Посакувам, како што напредува технологијата, да се измисли детектор за естетски зафати и да ме ставите внатре и да се уверите дека сум потполно природна“, изјавила 24-годишната Демнери.

Атрактивната Албанка беше гостинка на Модната недела во Милано во февруари и јуни 2023 година. Таа особено се истакна кога се појави на една од модните ревии на „Dolce & Gabbana“ облечена во корсет обложен со циркони.

Таа ги красеше насловните страници на магазинот „Harper's Bazaar“ во Грција и Бугарија.

Енди студира меѓународни односи на Универзитетот во Тирана и зборува четири јазици - албански, англиски, турски и италијански.