Експертите за здравје и прехрана препорачуваат внесување на околу 220 грама морски плодови неделно.

Освен нутритивните вредности, сѐ поголемо внимание се посветува и на заштита на околината и одржлив риболов.

Доколку често стоите пред рибарница и не сте сигурни која риба е најздрава, а воедно и добра за планетата еве помош – овие видови се најдобри со оглед на одржливост, според медицинскиот портал „EatingWell“.

Скуша

Видовите скуши се ловат со посебни методи и не предизвикуваат оштетување на морските живеалишта, што ги прави еколошки прифатлив избор. Оваа риба е исклучително богата со омега-3 масни киселини и протеини (околу 16 грама во порција од 85 грама). Одлично се комбинира со јаките зачини.

Див лосос (вклучувајќи го и конзервираниот)

Поголем дел од лососите имаат ниско ниво на жива. Нутритивно гледано, лососот има многу корисни омега 3 масни киселини. Конзервираниот лосос е попристапен, а освен омега-3 масни киселини е прекрасен извор на калциум – 85 грама лосос содржи околу 240 милиграми, што е околу четвртина од дневната потреба за возрасна личност.

Сардина

Малите и поволни сардини со право се вбројуваат во суперхрана. Во само 85 грама сардина има речиси 300 милиграми омега-3 масни киселини, па природно се богати со витамин Д и калциум (околу 25 отсто од дневната потребна доза).