Гвардиол ги воодушеви навивачите возејќи редок црвен „Mitsubishi Lancer Evolution VI“, а коментарите се јасни: конечно фудбалер со вистински вкус.
Додека врвните фудбалери често ги возат најновите модели на автомобили, хрватскиот репрезентативец Јошко Гвардиол (24) го привлече вниманието на јавноста со изборот на поинакво возило. Иако неговите настапи во дресот на „Manchester City“ и хрватската репрезентација редовно ги полнат насловните страници, неодамна стана тема на социјалните мрежи поради својот автомобил.
Гвардиол на видеото снимено минатата сабота го напушта тренинг-комплексот на Манчестер Јунајтед. Додека полека се движи по пристапниот пат, застанува за да му даде автограм на млад навивач, по што се заблагодарува и со кренат палец ја поздравува личноста што го снима. Сепак, најголемо внимание привлече автомобилот што го возеше: впечатливо црвен „Mitsubishi Lancer Evolution VI“ со рели-налепници и бели бандажи.
Коментарите под објавата, која за кратко време собра речиси 250.000 прегледи и повеќе од 20.000 допаѓања, беа претежно позитивни. Познавачите веднаш забележаа дека не станува збор за стандарден модел, туку за специјалната серија „Tommi Mäkinen Edition“, произведена во чест на четирикратниот светски шампион кон крајот на минатиот и почетокот на овој век.
За разлика од суперавтомобилите што фудбалерите често ги возат, Гвардиол избра автомобил кој се смета за икона на мотоспортот од деведесеттите години. „Конечно фудбалер кој не се расфрла, туку вози вистински автомобил“ и „Гвардиол знае што е добро“, се само дел од реакциите.
„Единствениот фудбалер со вкус што сум го видел, ова е прекрасен автомобил“, напиша друг следбеник.
„Каков лик. Може да има кој автомобил ќе посака, а тој се појавува со ’Tommi Mäkinen Evo‘. Легенда.“
