Американската спортистка Лоло Џоунс со години беше една од најпознатите атлетичарки во светот, но нејзината спортска кариера често остануваше во сенка на приватниот живот и признанието што ја шокираше јавноста.
Оваа денес 43-годишна Американка отворено зборуваше за тоа дека и понатаму е невина и дека одлучила интимните односи да ги зачува за брак.
Џоунс тврди дека токму таа одлука ѝ била потешка од сè низ што поминала во професионалната спортска кариера.
„Потешко е да останеш невина отколку да тренираш за Олимписки игри“, изјави таа уште пред неколку години во разговор за „HBO“.
Нејзините зборови тогаш го обиколија светот и целосно го променија начинот на кој јавноста ја доживува. Лоло Џоунс во текот на кариерата настапуваше и на Летните и на Зимските олимписки игри, што е исклучително редок случај во светот на спортот.
Се натпреваруваше во дисциплината 100 метри со пречки, но и во боб, а со години важеше за една од најатрактивните спортистки во Америка.
Сепак, токму искреноста за приватниот живот ѝ донела многу проблеми. Подоцна призна дека јавното откривање на фактот дека е невина практично ѝ го уништило љубовниот живот.
„Тоа беше грешка. По тоа, сите мои состаноци пропаѓаа. Претходно барем имав шанса“, рекла низ насмевка во поткастот на Кевин Харт „Cold as Balls“.
Додала дека секогаш имала дилема кога на потенцијалниот партнер да му ја каже вистината.
„Размислував дали прво да го запознае мојот карактер или веднаш да кажам сè“, признала Американката.
Џоунс тврди дека поради сето тоа развила огромен притисок и стрес што ги носи со години.
„Сите ме знаат како личност која е под стрес. Имам огромно ниво на интензитет и тешко се опуштам“, искрено зборувала таа.
Сепак, и покрај сè низ што поминала, никогаш не се откажала од своите уверувања. Лоло Џоунс и денес инсистира дека сака да остане невина до првата брачна ноќ, без оглед на бројните критики, коментари и притисокот од јавноста.
Во текот на годините често зборуваше и за желбата да основа семејство. Поради тоа, во 2022 година откри дека почнала да замрзнува јајце-клетки за да си остави можност за мајчинство во иднина.
„Ако знаете дека сакате семејство, но моментално немате можност за тоа поради кариерата или немате партнер, размислете за замрзнување јајце-клетки“, порача тогаш.
Иако на многумина нејзината животна приказна им изгледа необично, Лоло Џоунс никогаш не дозволила коментарите од јавноста да ја променат. Нејзината кариера беше импресивна, но и исполнета со тешки моменти.
На Олимписките игри често медалот ѝ бегаше во последните моменти, а токму поради тоа стана симбол на спортистка која со години се бори со огромен притисок.
Денес нејзиното богатство се проценува на околу два милиони долари, а и понатаму е многу активна на социјалните мрежи каде често зборува за верата, менталното здравје и животните предизвици.
И додека многумина очекуваа дека со годините ќе ги промени ставовите, Лоло Џоунс остана доследна на себе, дури и по цена поради тоа целосно да се разликува од повеќето познати спортски ѕвезди.
