Конор Мекгрегор се враќа во „UFC“ и откри нови детали од својот живот и кариера.
„UFC 329“ е големиот настан на оваа ММА организација кој ќе се одржи во Лас Вегас, а главната борба на вечерта ќе биде пресметката меѓу Конор Мекгрегор и Макс Холовеј.
Ќе биде тоа втор дуел меѓу двајцата борци, а првиот Конор го доби со одлука на судиите во 2013 година, кога доживеа и повреда на коленото.
Сега Конор зборуваше за реваншот и за првпат се огласи неколку месеци пред борбата:
„Имам одличен договор со организацијата „UFC“, конечно ме испочитуваа. Се подготвувам, живеам добро, практично спијам во сала. Мојот противник е човек кого веќе еднаш го победив и тоа беше вистински спектакл на боречките вештини. Планирам повторно да го направам тоа“, започна Конор.
Conor McGregor talks adjustments to his game following the leg break 🧠
— Championship Rounds (@ChampRDS) May 25, 2026
"I have the perfect scenario, you knock them out with the big backhand, the crowd roars.
But then I have the worst case scenario... I have a whole selection of responses to the worst case scenarios.
So if… https://t.co/fmeqNw4plM pic.twitter.com/cqJN7En77P
Ирецот откри дека го променил начинот на размислување откако против Дастин Поарие ја скрши ногата во октагонот.
„Имам совршено сценарио во главата. Го нокаутирам со задниот дел од тупаницата и публиката ќе „полуди“. Во главата го имам и најлошото можно сценарио … Разбирате? Има многу сценарија во оваа приказна и многу одговори. Ако ја скршам ногата, ако го повредам коленото, рамото, како ќе продолжам? Борбата тогаш не завршува. Ако имаш следен маневар, можеш да преживееш. На тоа поле сум поискусен. Успеав да го пронајдам својот пат од најлошото до најдоброто сценарио. Ќе се фокусирам на најдоброто“, изјави Конор.
