Една од ѕвездите на Зимските олимписки игри во Милано и Кортина д’Ампецо е Американецот со руско потекло Илија Малинин.
Илија Малинин со тимот на САД веќе освои екипно олимписко злато, а може да се каже дека веќе блесна во уметничкото лизгање на ова планетарно натпреварување.
Неговиот феноменален настап го следеше и српскиот тенисер Новак Ѓоковиќ со сопругата Јелена, кој долго се држеше за глава кога виде дека Американецот изведе салто наназад, а снимката набрзо стана вирална.
„Го видов Ѓоковиќ. Тоа е толку нереално. Слушнав дека откако го изведов салтото наназад, ги ставил рацете над главата. Тоа е неверојатно“, изјави Малинин, па продолжи.
💥 LA QUE TIENES QUE ESTAR LIANDO PARA DEJAR ASÍ A DJOKOVIC
— Eurosport.es (@Eurosport_ES) February 8, 2026
😍 La reacción de Novak Djokovic a una actuación de Ilia Malinin que le ha valido el oro a los Estados Unidos
🎥 @david_lrl#MilanoCortina2026 pic.twitter.com/vgY0TG8jSe
„Тоа е момент што се случува еднаш во животот: Да видите познат тенисер како го следи мојот настап. Апсолутно сум воодушевен“, рече тој.
Илија Малинин е роден на 2 декември 2004 година во Ферфакс, сојузната држава Вирџинија, и настапува за Америка, иако неговите родители, родени во Русија, лизгале под знамето на Узбекистан.
Интересно е што го носи презимето на мајката, бидејќи сметале дека презимето на таткото, Скорњаков, е тешко за изговор во Америка.
In 1999, 🇺🇿 Uzbekistan's Tatyana Malinina won the gold medal of the first Four Continents Championships at Halifax Metro Centre (now called Scotiabank Centre).
— Ilia Malinin Daily (@TheIliaSociety) October 27, 2024
25 years later, her son, Ilia Malinin, captured his first Skate Canada gold at the very same arena.
📸 Jamie Squire pic.twitter.com/VCrEOUpYeg
Со лизгање започнал во 2011 година, што било и очекувано бидејќи потекнува од семејство на лизгачи.
Малинин е двократен светски шампион (2024, 2025), трикратен шампион на финалето на Гран при (2023, 2024, 2025), седумкратен освојувач на златен медал на Гран при, четирикратен освојувач на злато во Челенџер серијата и четирикратен национален шампион на САД (2023 – 26).
На јуниорско ниво, Малинин е светски јуниорски шампион во 2022 година и двократен освојувач на злато на Јуниорското Гран при. Тој го држи актуелниот светски јуниорски рекорд кај мажите во кратка програма, слободна програма и вкупен резултат, како и сениорски рекорд кај мажите во слободна програма.
A massive crowd of journalists around Ilia Malinin in the middle zone after his less-than-stellar performance. pic.twitter.com/np72LaK2ap
— Christine Brennan (@cbrennansports) February 7, 2026
Малинин е првиот и единствен лизгач што успешно извел целосно ротиран четворен аксел на меѓународно натпреварување, изведувајќи го повеќепати досега, а неговиот прекар е „Quad God“.
Во септември 2022 година, списанието „Time“ го вброи меѓу 100 највлијателни млади лидери во светот кои ја обликуваат иднината и ја дефинираат следната генерација лидерство.
Неговата помлада сестра Лиза исто така се натпреварува во уметничко лизгање.
Течно зборува англиски и руски јазик.
