Многумина веќе сликовито предвидуваат дека генерацијата Бета ќе живее опкружена со футуристички градови налик на оние од филмовите каде дигиталната интелигенција би била чест следбеник, а вештачките асистенти како ChatGPT најдобри соговорници.

Кој припаѓа на Бета генерацијата?

Доколку во 2024 година сте се оствариле како родител, вашето бебе официјално е дел од новата генерација. Претходната, Алфа, била прва целосно дигитално вкоренета од најраните денови – опкружени со паметни телефони, таблети и гласовни асистенти, поради што се смета за исклучително технолошки писмена. Се очекува Алфа и Бета генерациите да живеат подолго и поквалитетно во однос на претходните.

Детството е целосно поразлично

Според предвидувањата на страницата „netmums.com“, Бета генерацијата ќе расте во опкружување каде технологијата се подразбира да биде присутна. Дигиталните платформи, напредната вештачка интелигенција, виртуелните валути и простори на виртуелната реалност ќе бидат целосно природни.

Можно е патувањата надвор од Земјината орбита да станат еднакво секојдневно како и денешните релации меѓу градовите.

Стравови и дилеми за иднината

Иако напредокот во светот звучи привлечно, истовремено буди и загриженост. Прашањата на доминацијата на машините, автономните роботи и вештачката интелигенција кои може да станат премногу моќни, повеќе не се резервирани само за научната фантастика.

Експертите предупредуваат дека одговорите на овие дилеми мора да се бараат многу порано откако технологијата ќе го преземе клучниот сегмент од животот.

Како ќе изгледа растењето на „утрешните“ деца?

Родителите кои очекуваат бебе во 2026 година или неодамна добиле бебе треба да знаат дека бета генерацијата веројатно нема да поминува време со задолжителни лектири како претходно, зошто би го правеле тоа кога ја има вештачката интелигенција која може да му ја прераскаже содржината на книгата за неколку секунди?

Се претпоставува дека дигиталните асистенти, вклучувајќи го и ChatGPT, ќе добијат физички облици, па интеракцијата со нив ќе изгледа речиси хумано.

Предности кои ги носи напредокот

Сепак, иднината не е само дистописка. Развојот на вештачката интелигенција уште сега ја менува медицината, им помага на докторите рано да препознаат и да лекуваат болести како канцер.

Се очекува Бета генерацијата да живее поздраво и подолго, со поголемо нагласување на менталното здравје, еколошката одговорност, одржливите извори на енергија и квалитетната исхрана.

Нов поглед на светот

Глобалното загревање, родовата еднаквост, инклузијата и мултикултуралното опкружување ќе биде дел од нивното секојдневно образование. Бета генерацијата ќе живее во хипер-поврзан свет, што ќе им овозможи пошироки видици и поголема толеранција.

Предизвици на дигиталното доба

Од друга страна, светот во којшто растат ќе биде и свет на нарушена приватност. Родителите ќе мора да вложат дополнителен труд за да ги научат децата да управуваат со личните податоци и безбедно да ја користат технологијата која ги опкружува.

Генерација која може да го смени светот

Некои нови деца ќе имаат прилика да влијаат на глобалните процеси на начини какви претходните генерации немале. Со креативност, иновативност и свест за проблемите на планетата, Бета генерацијата можат да станат клучен двигател на поголемите општествени промени, под услов светот во којшто растат правилно да ги насочи.