Од црвените кардигани кои тивко завладееја со орманите, до класичната комбинација од фармерки со рамен крој и балетанки, парижанките имаат неверојатна способност и наједноставните модели повторно да ги направат актуелни.

Нов моден тренд популаризиран од Французинките е врзувањето ремен преку капут. Овој тренд прво почнал да се појавува на Инстаграм, а потоа и на улиците на Париз, каде што речиси секоја втора жена носи капут со ремен на половината.

Не станува збор за прекумерно и совршено стилизирање, туку за лежерен потег што веднаш ја воздигнува секоја модна комбинација. Најдобро од сè, овој стилски трик не ве чини апсолутно ништо ако веќе поседувате ремен и капут (а сигурни сме дека ги имате).

Која е тајната?

Она што го прави овој тренд толку привлечен е неговата едноставност. Ременот веднаш ги менува пропорциите на капутот и му дава форма, без да изгледа како да сте се потрудиле премногу.

Парижанките го носат со сè: ремени од јаже преку преголеми волнени палта, тенки кожни ремени преку сакоа или врвки цврсто стегнати на долги мантили.

Трендот се прошири и на кратките јакни и на сакоа, а изгледа многу свежо и модерно, пишува „Who What Wear“.

Целата филозофија се базира на практичност – изгледа како да сте додале ремен во последен момент за да спречите ветерот да ви го отвори палтото, а не како внимателно испланиран стајлинг.

Пред сè позанимавајте се со експериментирање со парчињата што веќе ги имате во вашиот гардеробер.