Виетнамскиот "VinFast VF8" се најде под тужба во САД поради екстремно бавно полнење.
"VinFast" повторно е под притисок, затоа што сопствениците на моделот "VF8 Plus AWD" во САД тврдат дека нивниот електричен автомобил се полни неверојатно бавно – дури до 24 часа за едно целосно полнење.
Поради тоа поднесена е тужба пред Окружниот суд во Калифорнија, која ги опфаќа сите купувачи и корисници на лизинг во последните четири години.
Сопствениците наведуваат дека "VinFast" го рекламирал возилото со можност за полнење од најмалку 6,6 kW и до 32 ампери, но во пракса автомобилите едвај достигнуваат под 2 kW – брзина споредлива со првата генерација на "Nissan Leaf" лансирана пред 15 години, пишува „CarScoops“.
Тужителите Гил Свиги и Џозеф Мизрахи тврдат дека "VinFast" ветувал полнење до 32 ампери, но автомобилот „се гасел“ поради софтверски грешки кога ќе се обиделе да го полнат со таа јачина.
Стабилно полнење, велат, е можно само на 19 ампери – што ја намалува брзината речиси за 40%.
Дополнителен проблем, според тужбата, е и тоа што автомобилите неретко навечер сами се исклучуваат од полначот, па сопствениците наутро ги затекнуваат со речиси празна батерија.
"VinFast" наводно се обидел со повеќе поправки, а возилата дури со дополнителна опрема почнале да се полнат со брзината што производителот првично ја ветил.
Судот сепак го прифатил аргументот на "VinFast" дека купувачите се согласиле на арбитража, па постапката е закажана за 20 февруари 2026 година.
