Еден од најефикасните чекори е правилно да ја складирате храната, но пластичните садови и амбалажа не се секогаш најдобриот избор. Експертите наведуваат неколку намирници што треба да се чуваат поинаку за подолго да останат свежи и да го задржат својот квалитет.

1. Врели јадења

Иако пластичната амбалажа е практична, нутриционистката Ники Кулман објаснува за „Да се јаде добро“ (EatingWell).

„Загревањето на пластиката може да предизвика нејзино разградување и испуштање хемикалии како БПА или фталати во вашата храна“, вели таа.

Овие хемикалии можат да влијаат на природната функција на хормоните, па затоа Кулман советува да користите садови од не’рѓосувачки челик или стакло, особено за топли јадења, додека пластиката може да се користи за ладни оброци како салати или сендвичи.

2. Фини сирења

Додека обичните сирења како чедар или крем-сирење се безбедни во пластични садови, фините сирења бараат посебни услови. Затворањето во пластика ја спречува циркулацијата на воздух и ја поттикнува влагата, што може да го промени вкусот и бојата на сирењето. Наместо тоа, користете посебна хартија за сирење или пергаментна хартија со пластично ќесе преку него.

3. Сосови од домати и други кисели намирници

Доматите и киселите производи како сокот од лимон можат да ја оштетат пластиката и да предизвикаат испуштање на штетни супстанции.

„Речиси никогаш не складирам кисела храна во пластика“, вели научничката д-р Меган Мејер.

Таа препорачува употреба на стакло или не’рѓосувачки челик бидејќи овие материјали не реагираат со киселините.

4. Кромид и лук

Зеленчукот како кромид и лук, не треба да се затвора во пластика бидејќи влагата го поттикнува расипувањето и ‘ртењето. Најдобро е да се чуваат на ладно, темно и суво место, во мрежести или хартиени ќеси што овозможуваат циркулација (проток) на воздух.

5. Лиснат зеленчук

Затворените пластични ќеси не се најдобриот начин за складирање на зелена салата, спанаќ или кељ по отворањето на пакувањето.

„Завиткајте го лиснатиот зеленчук во чиста крпа и складирајте го во затворен сад за да остане подолго време свежо“, советува Кулман.

Крпата го впива вишокот влага и спречува венење.

6. Свежи билки

Магдоносот, коријандерот и сличните билки побрзо се расипуваат во пластични ќеси. Наместо тоа, треба да ги третирате како цвеќиња: Малку исечете ги стеблата, ставете ги во чаша со вода и лесно покријте ги со ќесе. На овој начин можат да траат до две недели во фрижидер.