Кејт Мидлтон не беше единствената модна икона вчера во Виндзор: Се појави прекрасната манекенка, а нејзиното гламурозно издание остави неверојатен впечаток

Во раскошната сала „Сент Џорџ“ се собраа високи претставници од политичкиот и културниот живот, а меѓу гостите, на изненадување на многумина, се најде и Клаудија Шифер.

Во салата „Сент Џорџ“ овие денови доминира смрека висока шест метри, осветлена со три илјади светилки и украсена со елегантни зелени и златни орнаменти. Балустрадите и балконите се украсени со гирланди, а подот – со црвен тепих што се протега низ целата просторија, како и со педесет метри долгата маса од махагониум. Синоќа, на кралскиот банкeт, токму таму седеше и славната манекенка Клаудија Шифер.

Како еден супермодел се најде меѓу 150-те гости од светот на политиката, бизнисот, уметноста, науката и, секако, членовите на кралското семејство? И тоа само две места подалеку од кралот Чарлс, блиску до принцезата од Велс, а веднаш покрај британскиот премиер сер Кир Стармер?

Одговорот е логичен – банкeтот беше приреден во чест на германскиот претседател Франк-Валтер Штајнмаер, а таа, без претерување, своевремено беше еден од најголемите германски „извозни производи“.

Освен тоа, Шифер е мажена за познатиот англиски режисер Метју Вон, кој потекнува од аристократското семејство Драмонд, а минатата година беше одликуван со титулата витез – „сер“, за заслуги во филмската индустрија (тој ги режираше хитовите „Snatch“ и „Lock, Stock and Two Smoking Barrels“).

Така, Клаудија Шифер синоќа на листата на гости беше заведена како „лејди“. Познатата манекенка и нејзиниот сопруг од 2002 година живеат во Сафарк, во раскошна вила во тудор-стил, и се сметаат за дел од британското високо општество.

На церемонијата во Виндзор се појавила во елегантен црн фустан со интересни украсни детали во форма на скапоцен камен. Фризурата и бојата на косата не ги променила – тоа и понатаму е нејзиниот препознатлив изглед, а фигурата ѝ е иста како во времето кога го освојуваше модниот свет, иако во меѓувреме роди три деца.

Кејт Мидлтон, синоќа, дефинитивно не беше единствената икона на стилот во просторијата…