Психолог откри: Ова е најчестата причина поради која паровите се расправаат

Но, по години истражување и сопствено искуство во бракот, психологот Марк Траверс тврди дека вистинската причина е многу поедноставна – тонот на гласот. Проблемот не се валканите садови или неплатената сметка, туку начинот на кој партнерите разговараат едни со други за овие работи.

„Зборовите сочинуваат само мал дел од тоа како ги толкуваме пораките – невербалните знаци како изрази на лицето, говор на телото, а особено тонот на гласот се многу поважни. Мала промена во тонот, како воздишка или саркастичен коментар, може да направи едноставно прашање да звучи како обвинување“, објасни психологот за „CNBC“. Значи, кога се расправаме со личноста што ја сакаме, тонот честопати носи поголема емоционална тежина од самите зборови.

„Ако сте вие оној/онаа со поостар тон, клучно е да го забележите тоа и да се обидете да го поправите во моментот. Можете да кажете: „Извини, не сакав да звучам толку грубо“ или „Тоа звучеше поостро отколку што сакав, можам ли да го повторам?“. Таквите мали корекции покажуваат дека сте самосвесни и можете да ја запрете расправијата пред да излезе од контрола“, објасни Траверс.

Со вежбање, станува сè полесно отворено да признаете грешка и да ја преформулирате реченицата.

„Ако сте од другата страна, природно е да сакате да возвратите со ист тон – но тоа обично води кон круг на меѓусебни обвинувања. Наместо тоа, обидете се да ја смирите ситуацијата и охрабрете го вашиот партнер да го повтори она што кажал/а: „Сакам да те слушнам, но тонот што го користиш ми го отежнува тоа. Можеш ли да се обидеш повторно?“ Ако двајцата сте заглавени во тој круг, најдобро е да се „ресетирате“ и да кажете: „Ајде да почнеме од почеток“, да се пошегувате или едноставно да се ракувате со партнерот“, додаде психологот. Тој заклучи дека ваквите мали потези не го бришат несогласувањето, но помагаат разговорот да стане посмирен и поискрен.