[ФОТО] Останатите дами добија сериозна конкуренција: Кралицата Летиција во фустан од чипка демонстрираше моќ и богатство
Позната по одличниот моден вкус, кралицата Летиција уште еднаш успеа да ја покаже најдобрата верзија од себе и го освои Каиро.
Кралицата Летиција од Шпанија уште еднаш успеа да ја потврди својата титула за една од најдобро облечените кралици во Европа, а можеби и во светот.
Овојпат, таа отпатувала со својот сопруг кралот Фелипе во Египет и за таа прилика носела креација за која светот зборува.
Таа заблескала во елегантен бел фустан од чипка, којшто веќе го носела во септември 2023 година.
Фустанот којшто го избрала е од брендот „Sfera“, познат по пристапните, но софистицирани парчиња. Овој модел од чипка во бела боја се истакнува со класичниот крој и детали кои потсетуваат на ренесансна естетика.
Чипката која потекнува од Венеција од 16 век, била симбол на моќ и богатство, а денес е препознаена како знак за безвременска женственост.
Кралицата својот изглед го надополнила со елегантни детали. Обетките кои ги носела се од шпанскиот бренд „Yanes“, а станува збор за дијамантски обетки со скапоцени камења и бисери.
Овој избор на накит совршено се вклопил во софистицираниот изглед, додавајќи му доза на луксуз.
За обувки, кралицата избрала класични салонки во „nude“ боја од брендот „Carolina Herrera“. Овој модел е познат по својата удобност и елегантен дизајн кој лесно се комбинира со различни стајлинзи.
Стајлингот на кралицата Летиција го потврдува нејзиниот статус на модна икона која успешно ги комбинира пристапните брендови со луксузни детали, создавајќи хармоничен и софистициран изглед.
