Експертите за исхрана истакнуваат дека изборот на храна може да биде пресуден во улогата во одржување на рамнотежата на цревната микрофлора.

Добрата вест е што едноставните намирници кои можат да се најдат во вашата кујна, можат значајно да придонесат во здравјето на цревата и варењето на храната.

Јогурт

Јогуртот е богат со пробиотици, корисни бактерии кои помагаат во одржување на рамнотежата на цревната флора.

Нутриционистите објаснуваат дека редовното консумирање јогурт може да ги намали проблемите со варењето на храната и да ја подобри апсорпцијата на хранливи материи. Особено се препорачува природниот јогурт без додаток на шеќери и ароми.

Кисела зелка

Оваа ферментирана намирница содржи изобилство на пробиотици и растителни влакна. Според советниците за исхрана, киселата зелка може да го поттикне варењето и да го зајакне имунитетот.

Освен тоа, ферментираната храна воопшто помага во создавање добри бактерии во цревата, што е клучно за долгорочното здравје.

Интегрални житарици

Диететичарите истакнуваат дека растителните влакна од интегралните житарици, како овесот, јачменот или интегралниот ориз ја поттикнуваат работата на цревата и спречуваат затвор.

Растителните влакна исто така служат како храна која е корисна за бактериите, со што го поттикнуваат нивниот раст. Редовното вклучување на интегралните житарици во исхраната придонесува во стабилното варење.

Банана

Бананите се едноставен, но ефикасен начин да го поддржиме здравјето на цревата. Содржат пробиотици, соединенија кои ги хранат добрите бактерии во системот за варење храна.

Нутриционистите нагласуваат дека редовното консумирање банани може да го подобри варењето на храната и да помогне во одржување на рамнотежата на цревната флора, а воедно се практични и лесно достапни.

Вклучувањето на овие намирници во секојдневната исхрана може едноставно да го поддржи здравјето на цревата и да ја подобри општата состојба на организмот.