Иако родителите често настојуваат на децата да им обезбедат успех низ учење, рутини и поттикнување на добро однесување, Рауда истакнува дека постои една вештина која е темел на сѐ – поврзаноста со самите себе.

Кога детето ќе научи да ги препознае и прифати своите емоции, потреби и внатрешен глас, тоа развива чувство на сигурност во себе и вредности кои ги носи низ секој однос, предизвик и одлуки. Кога тоа го нема, самодовербата се руши внатре.

Рауда проучувала повеќе од 200 односи меѓу родителите и децата, а и самата таа е мајка. Нејзината главна порака до родителите гласи:

„Доколку своето дете го научите само на една вештина во животот, тоа мора да биде вештина на поврзување со самите себе“.

Зошто поврзувањето со себе е клучно?

- Гради емоционална отпорност, децата кои ги познаваат своите чувства полесно се справуваат со стресот, отфрлањето и тешките емоции.

- Ги поддржува здравите граници, поврзаните деца му веруваат на инстинктот и умеат да кажат „не“ кога нешто не е во ред.

- Негуваат вистинска самодоверба, таа не доаѓа со пофалбите туку од внатрешните чувства дека е во ред да бидеме она што сме.

- Го штити менталното здравје, самоповрзаноста е моќна заштита од анксиозност, сомнеж во себе и потреба за надворешно одобрување.

Како родителите можат да ја негуваат поврзаноста со децата?

- Да ги потврдат нивните емоции, наместо „добро си?“, кажете „гледам дека ова те растажи, тука сум“.

- Прифатете го целото дете, дозволете да прашува, да стравува, да се лути. Детето треба да учи дека е сакано безусловно.

- Дајте му слобода во изборот, престанете со микроменаџментот и дозволете детето да донесе одлука примерна за негова возраст.

- Бидете модел на самоповрзаност, покажете како вие ги именувате и регулирате своите чувства.

Користете го јазикот на свеста, а не срамот – наместо „зошто го направи тоа?“, прашајте: „Што чувствуваше кога се случи тоа?“.

Славете ја нивната суштина, а не само достигнувања – потсетувајте ги дека се вредни и сакани поради она што се.