Неговиот список се базира на медицински факти, практично искуство и лично верување дека здравјето мора да има приоритет пред трендовите.

1. Течен „nose-job“ (корекција на нос со филери)

„Корекцијата на носот со филери изгледа едноставна и безопасна, но носот има многу сложена мрежа на крвни садови. Ако филерот се инјектира неправилно и блокира артерија, тоа може да доведе до прекин на протокот на крв, изумирање на кожата, па дури и губење на видот. Дури и искусните хирурзи не можат целосно да го елиминираат ризикот“, истакна Мекнали.

Долгорочно: Резултатот трае кратко време (6-12 месеци), а повтореното вбризгување може да предизвика фиброза и деформација на ткивото.

2. Отстранување на маснотии од образите (букална липосукција)

„Многумина сакаат подефинирани јаболчници и потенко лице, но отстранувањето на маснотиите од букалната област значи трајно губење на волуменот. Како што старееме, природните маснотии на лицето се намалуваат, па оваа постапка може да доведе до вдлабнати образи и постар изглед многу порано отколку што тоа природно би се случило“, објасни хирургот.

Долгорочно: Не постои начин да се обноват природните маснотии, освен инвазивни филери.

3. Инјекции за разградување на масното ткиво

„Препаратите за топење маснотии под брадата честопати изгледаат привлечно бидејќи ветуваат брзи резултати без операција. Меѓутоа, тие можат да предизвикаат силно воспаление, оштетување на нервите и нерамномерно повлекување на кожата. Кога ефектот нема да се постигне, подоцнежната липосукција може да биде отежната“, нагласи Мекнали.

Долгорочно: Нерамномерен изглед на кожата и фиброзни промени што можат да го деформираат пределот на вратот.

4. Ладење на масното ткиво (CoolSculpting)

„Овој третман ги замрзнува масните клетки за да може телото да ги елиминира, но кај некои пациенти се јавува парадоксална реакција – наместо да се намалат, масните клетки растат и се стврднуваат. Оваа компликација не може лесно да се отстрани и често бара хируршка интервенција“, предупреди хирургот.

Долгорочно: Можна деформација на контурите на телото и појава на тврди јазли под кожата.

Д-р Мекнали му советува на секој што размислува за козметички корекции прво внимателно да ги проучи ризиците и последиците.