[ФОТО] „Никој никогаш не би ја ангажирал доколку таа не ѝ беше мајка“: Ќерката на Никол Кидман позираше за насловна страна, а коментарите се немилосрдни

Таа го направи својот прв чекор на модната писта – ни помалку ни повеќе, на ревијата на модната куќа „Миу Миу“, каде што ја претстави колекцијата пролет/лето 2025 година.

Освен што се прошета по пистата, Сандеј се појави и во престижни модни списанија. Таа позираше за списанието „W“ во впечатлив леопард капут и пругав горен дел од колекцијата на Прада, во текст посветен на новата генерација манекенки.

Но, сега се најде на насловна страница – за списанието „Nylon“ таа позираше во кожна јакна, со гума за џвакање во устата, носејќи нескротлива тинејџерска енергија со себе.

Во интервју за списанието „Sunday“, Сандеј откри дека нејзиниот сон е еден ден да стане режисерка – уште од предучилишна возраст. Инаку веќе се обидела во помали актерски улоги, појавувајќи се во сериите на нејзината мајка како што се „Big Little Lies“ и „The Undoing“.

„Како дете, често ја придружував мајка ми на снимањата и фотосесиите и ја гледав како работи – тоа го разбуди мојот интерес за манекенство“ рече Сандеј.

На прашањето како е да се чекори по модната писта, таа искрено одговорила:

„Размислував само за купот училишни задачи што ме чекаат кога ќе се вратам. Се надевав дека наставниците ќе ми дадат слободни денови“.

Сандеј исто така откри дека ѝ било дозволено да започне манекенска кариера дури откако наполнила 16 години – нејзините родители инсистирале прво да ужива во детството, а дури потоа да зачекори во професионалниот свет.

По нејзиното прво професионално појавување во јавноста, следуваа низа коментари во кои следбениците пишуваа дека е штета што не ја наследила убавината од мајка ѝ, а и овој пат тие беа немилосрдни кога станува збор за изгледот на Сандеј:

„Никој никогаш не би ја ангажирал доколку таа не ѝ беше мајка. Само би можела да сонува за каква било кариера пред фотоапаратите и камерите“, гласеше еден коментар.

Потсетуваме Сандеј има и помлада сестра, четиринаесетгодишната Фејт, која исто така сонува за манекенска кариера и веќе се појави со мајка ѝ во една реклама.