Според првичните информации, причината за смртта сè уште не е позната, а конечните одговори треба да ги даде аутопсијата наредена од локалните власти. Иако итната медицинска помош пристигнала брзо, лекарите можеле само да ја констатираат смртта.

Карабинерите отворија истрага

Италијанската полиција веднаш реагирала – карабинерите повеле истрага, а првите чекори вклучуваат собирање изјави од присутните на забавата, како и форензичка обработка на местото на настанот.

Сè уште не е познато дали постои сомневање за насилство или смртта е последица на несреќен случај.

Беше омилена спортистка и тренерка на деца

Веста за смртта на младата одбојкарка ја шокирала спортската заедница во Италија, а особено клубот „Capasense Volley“, за кој Симона настапувала.

„Таа ја сакаше одбојката. Играше за нашиот клуб до минатата година. Одбојката ѝ беше сè. Исто така, учеше многу деца. Скршени сме од оваа вест. Се сеќаваме на неа со голема почит. Беше разумна млада жена која го сакаше спортот и беше многу посветена“, изјавил претседателот на клубот.

Симона Чина во текот на летото учествувала на бројни турнири во одбојка на песок и била многу активна во работата со младите во локалната заедница.