Со тоа, "Minecraft" филмот влезе во историјата како најуспешната филмска адаптација на видеоигра по заработка во првиот викенд, надминувајќи го и хитот "Super Mario Bros", од 2023 година, кој во истиот период инкасираше 204 милиони долари.

И покрај бројните доцнења, филмот конечно пристигна во кината минатиот петок, а публиката масовно дојде да го гледа, поставувајќи нов рекорд за најголема премиера во 2025 година, како и најгледан наслов на "Warner Bros" од 2023 година наваму.

Мислењата се поделени

Иако публиката е воодушевена, критичарите се далеку од едногласни – филмот моментално има само 47% на "Rotten Tomatoes". Според "BBC", британскиот "Telegraph" му дал две ѕвезди, а "Guardian" уште помалку – само една, велејќи дека филмот „изгледа како да е сниман во последен момент“.

Но, тоа не ги спречи семејствата и децата да го наполнат киносалите. Според "EntTelligence", четвртина од гледачите биле под 13 години, а повеќе од половина – мажи.

Ѕвездена актерска постава

Филмот е во режија на Џеред Хес, а во главните улоги настапуваат Џејсон Момоа, Џек Блек, Ема Мајерс, Даниел Брукс, Себастијан Хансен и Џенифер Кулиџ.

Четворица аутсајдери во магичен свет

Приказната ги следи четворицата аутсајдери – Герет „The Garbage Man“ Герисон, Хенри, Натали и Даун, кои се соочуваат со секојдневни предизвици, сè додека мистериозен портал не ги внесе во "Overworld" – чуден, коцкаст свет создаден од фантазија. За да се вратат дома, ќе мора да совладаат нови вештини, да се борат со непријатели како "Piglin" и "Zombie" и да добијат помош од маестралниот градител Стив.

Нивното патување ќе ги натера да најдат храброст, креативност и уникатност, особини кои ќе им бидат клучни не само таму, туку и во реалниот свет.

Судејќи по резултатите од првиот викенд, "Minecraft" филмот е на добар пат да стане еден од најголемите блокбастери оваа година, без разлика на бројот на ѕвезди во рецензиите.