Американската актерка и ѕвезда на серијата „Malcolm in the Middle“ Тања Рејмонд неодамна доживеала непријатно искуство кога пред нејзиниот дом се појавил непознат маж.
Според американските медиуми, Рејмонд била принудена да повика полиција откако пред нејзиниот дом во Лос Анџелес се појавил 50-годишен маж, кој претходно ѝ испраќал пораки.
Постариот маж, наводно, ја вознемирувал преку електронска пошта, пред да го исполни ветувањето дека ќе дојде во нејзиниот дом.
Според ТМЗ, ѕвездата добила е-пошта од маж кој ѝ рекол дека наскоро ќе дојде во Лос Анџелес и дека треба да се сретне со неа, велејќи дека ќе дојде до нејзиниот дом.
Според полицискиот извештај до кој дошле медиумите, мажот си го одржал зборот и се појавил пред куќата на актерката. Откако таа му одговорила, тој рекол: „Не се сеќаваш на мене? Ти реков дека ќе дојдам“.
Неофицијално, се вели дека мајката на Тања го избркала мажот пред да повикаат полиција. Исто така според изворите мажот извесно време останал во нејзиниот двор, но заминал пред да дојде полицијата.
Познато е дека „LAPD“ моментално ги истражува пораките што ги добила актерката и дека ги зголемиле безбедносните мерки за нејзина заштита.
