Украинските воздухопловни сили објавија дека собориле балистичка ракета „Искандер-М“ и 79 беспилотни летала, а уште 35 беспилотни летала не успеале да стигнат до веројатните цели поради контрамерки за електронско војување.

Во јужниот дел на Одеса, во напад беше запалено складиште за гориво, додека во напад во североисточниот регион Харков беше повредено едно лице и оштетени земјоделски магацини, соопшти гувернерот Олех Синијехубов и локалните обвинители.

Во Суми, друг североисточен регион, каде што украинските власти во понеделникот соопштија дека Русија се обидува да создаде зона на активни борби, во напад беше повредено едно лице и оштетени четири двокатни згради, напишаа локалните власти на Телеграм.

Воздухопловните сили не кажаа што се случило со 12-те беспилотни летала кои не биле соборени.

Рускиот напад уследи по најголемиот украински напад врз Москва

Нападот се случи откако руските власти соопштија дека Украина го извршила најголемиот напад со беспилотни летала врз Москва и московскиот регион, при што стотици беспилотни летала беа соборени ширум Русија.

Во украинскиот напад во раните утрински часови загинаа најмалку две лица, беа предизвикани пожари и беше прекинат воздушниот и железничкиот сообраќај во регионот.

Украинските напади доаѓаат додека Соединетите Држави се залагаат за ставање крај на тригодишната војна што Русија ја започна со инвазијата на Украина во февруари 2022 година.

Денеска американските и украинските тимови треба да се сретнат на мировни преговори во Саудиска Арабија.