Оваа жена има 100 години и работи 4 пати неделно: „Ќе работам сè додека можам“

Таа речиси секое утро 20 минути се вози сама од својот дом во Синсинати до Мејсон во американската сојузна држава Охајо за да одработи скратена работна смена во занаетчиската продавница „Joann Fabric and Crafts“. Во споменатата продавница работи 26 години и тоа ѝ е еден од омилените начини за пополнување на времето.

„Уживам во она што го работам и сакам да продолжам да работам. Ќе работам сè додека можам или додека ме сакаат тука“, изјавила Брнс за „CNBC“.

Џејн на 26-ти јули ќе наполни 101 година, а на моменталното работно место се вработила неколку месеци откако ѝ починал сопругот Дик. Нејзината ќерка Дона тогаш била вработена таму и ја препорачала бидејќи сметала дека тоа добро би ѝ дошло на нејзината мајка по смртта на сопругот.

Џејн во поголемиот дел од работниот стаж била вработена како сметководител, а во 70-те и 80-те години се обидела да се пензионира неколку пати. Но, по неколку месеци во пензија таа повторно се враќала на работа бидејќи како што вели, ѝ недостасувале рутината и ручеците со колегите.

Мислењата се дека не постои тајна за долг и среќен живот, но смета дека работата ѝ помогнала. Во текот на повеќедецениската кариера научила дека заедничката особина на „најдобрите работни места“ е добриот однос со колегите. Како што рекла таа, важно е да се пронајдат луѓе кои се пријателски расположени и љубезни.

Џејн воспоставила пријателски односи со некои нејзини колеги од работа, а меѓу нив е и студентката Меги Хусвар, која на една пауза за кафе ја запознала со социјалната мрежа ТикТок. Тие имаат објавено неколку видеа на оваа социјална мрежа, а едно од нив има повеќе од 9 милиони прегледи.

Нејзините колеги ѝ приредиле забава на нејзиниот 100-ти роденден, а според Џејн, добриот работен однос ви помага да живеете подолго.

„Зафатеноста ве спречува да се фокусирате на болката. Тоа е она што ја олеснува“, вели таа.

Нејзините совети се засноваат на 85 години старото истражување на престижниот универзитет Харвард, кое покажало дека позитивните меѓучовечки односи се она што ги прави луѓето среќни во текот на животот, а тоа важи и за меѓучовечките односи на работа.