Креаторката на светски познатата програма за вежбање “Bikini Body Guides” и најбогатата млада жена во Австралија – Кајла Итсинес, и покрај бременоста и понатаму напорно вежба и работи на своето тело.
Таа моментално е во шестиот месец од бременоста, а благодарение на својата физичка спрема и телото кое го имала пред бременоста, Кајла може да се пофали само со трудничкото стомаче, без вишокот килограми кои бременоста може да ги донесе.
Бидејќи е бремена, Итсинес вежба со послаб интензитет од претходно, со полесни тегови и што е најважно – без скокови и други исцрпувачки вежби. Таа во една прилика нагласила дека постојано се грижи за здравјето на бебето и никогаш не би направила нешто несигурно кое би го загрозило неговиот живот.
Кајла инаку по потекло е Гркинка, а нејзината здрава исхрана најчесто се базира на грчката кујна. Таа го запознала својот партнер Тоби Пирс во 2013 година, а парот се верил минатата година.