Таа не е љубител на минимализмот

За уредување на куќата ја ангажирала дизајнерската компанија „Pierce & Ward“ со која и претходно соработувала. Првата работа што ја направија беше промена на бојата на ѕидовите. Тие решија да го заменат белото со крем за да внесат топлина, длабочина и чувство на безвременост во просторот.

Според дизајнерите, намерата била куќата да изгледа како да била таму 50 години. „Никогаш не сакаме домот да изгледа нов“, изјавија за АД дизајнерите Луиз Пирс и Емили Вард. Во согласност со тој пристап, тие задржале многу од парчињата мебел што Робертс веќе ги имала.

Некои од нив се задржани во првобитната состојба, додека други се обновени, како што е троседот во дневната соба, кој беше претапациран и со тоа доби нов живот.

Тие вклучија и многу уметност што Робертс веќе ја имаше и направија простор за нејзините колекции на кукли, книги и винтиџ списанија. „Минимализмот не е мојата силна страна“, открила Ема.

Дизајнерите Луиза и Емили открија за АД дека со реставрација на мебелот постигнуваат домот да не изгледа претерано дизајниран. Ова дизајнерско дуо е познато по непретенциозните простори кои мешаат боемски, средновековни модерни стилови и рустикален стил. Овој стил е видлив и во куќата на Ема.

Ема собира кукли и шолји, но има и голема колекција на книги

По работното катче, Ема ја покажа ТВ-собата и рече дека таму поминуваат поголем дел од времето. Оваа соба е прилично монохроматска, а токму тоа, според некои дизајнери, е моментално во тренд. Така, во оваа соба, главно владее една кохезивна шема на бои - беж, кафеава и кремава. Собата изгледа многу удобно.

Покрај тоа што има колекција на кукли и значителна колекција на книги. Инаку, Робертс и нејзината најдобра пријателка Кара Преис го водат литературниот клуб „Belletrist“ од 2017 година, а две години подоцна ја формираа и продуцентската куќа „Belletrist Productions“ и досега продуцираа две телевизиски емисии.

Нејзин омилен дел во кујната е островот

Како дел од видеото, Ема ја покажа и кујната. Таа истакна дека првично мислела дека нема да има премногу работа со кујната при дизајнирањето. Дизајнерскиот тим и предложил да стави остров во кујната, а иако на почетокот се двоумела, сега и е драго што го има.

„Тоа целосно го промени начинот на користење на кујната“, истакна таа. Островот кој го има не е направен по нарачка, туку е купен во продавница. Ема ја покажа и колекцијата шолји кои се дел од нејзината драга колекција.