Шпанија го освои Светското првенство, а Доналд Трамп одби да се тргне од прославата, но тие пронајдоа решение за тоа.
Шпанија стана светски шампион откако во финалето на Мундијалот ја победи Аргентина (1:0). Феран Торес постигна гол на почетокот од второто продолжение и донесе голема прослава за „црвената фурија“. Но, за време на доделувањето на пехарот, Доналд Трамп за малку ќе ја расипеше големата прослава.
Претседателот на Америка одби да се тргне од главниот дел на подиумот, Родри прв се обиде да му објасни да се помести. Потоа и првиот човек на ФИФА, Џани Инфантино, му пријде за да му каже да се тргне, но Трамп тврдоглаво стоеше таму за да се најде на фотографиите со светските шампиони.
Меѓутоа, тоа не му успеа целосно. Шпанците ја објавија тимската фотографија на социјалните мрежи така што го „исекоа“ Трамп од сликата. Едноставно, го отстранија човекот на кого не му било ниту местото ниту времето да биде таму.
Додека шпанските фудбалери славеа историски успех, моментот со Трамп привлече големо внимание на социјалните мрежи. Многу корисници ја коментираа одлуката на репрезентацијата да ја објави фотографијата без него, оценувајќи го тоа како начин да го зачуваат фокусот на играчите и нивниот триумф.
Но, начинот на кој ФИФА, со Инфантино на чело, го водеше ова првенство, како по повик на Трамп го поништија црвениот картон на Американецот Балогун, како и тоа што му дозволија да излезе на теренот за да го врачи пехарот – се само дел од проблематичните работи што Инфантино ги дозволи...
И покрај контроверзите околу церемонијата, главната тема за шпанската јавност останува освојувањето на светската титула и прославата на генерацијата која го донесе најголемиот успех во историјата на тимот.
