Капитенот на фудбалската репрезентација на Колумбија и поранешна ѕвезда на Реал Мадрид, Хамес Родригес, се најде во центарот на невиден скандал откако наводно одбил да се фотографира со ќерката на претседателот на државата, Густаво Петро.
Инцидентот се случил во претседателската палата за време на приватен настан на кој на играчите им биле врачени традиционални шешири како подарок. Според извештаите на очевидци и снимките што ги преплавија социјалните мрежи, Антонела Петро (17), ќерката на претседателот на Колумбија, му пришла на Хамес со молба да направат заедничка фотографија. Меѓутоа, 34-годишниот играч од средниот ред наводно продолжил да се ракува со останатите официјални лица, целосно игнорирајќи ја тинејџерката.
На официјалните фотографии видливо е незадоволството на фудбалерот, а Хамес за време на групното позирање намерно застанал во последниот ред, покажувајќи дистанца кон државниот врв.
Реакциите беа молскавични. Членката на Градскиот совет на Богота, Хејди Санчез, остро го навредила фудбалерот на социјалните мрежи:
„Ова е кукавичко однесување. Антонела покажа искрена страст кон репрезентацијата, а доби непријателство. Хамес и самиот е татко, не би сакал неговата ќерка да помине низ вакво понижување“, напишала Санчез.
Додека едни го осудуваат поради непрофесионалниот однос кон тинејџерката, други го бранат, тврдејќи дека спортистите не треба да бидат алатка во рацете на политичарите.
El Presidente @petrogustavo despidió a la Selección Colombia de Fútbol, que partió a disputar el Mundial 2026.
— Presidencia Colombia 🇨🇴 (@infopresidencia) June 4, 2026
El mandatario les envió mucha fuerza para que disputen el torneo de la mejor forma y les dio las gracias por representar al país. 🇨🇴⚽️ pic.twitter.com/aWWCgf1a8X
Интересно е што „намуртените лица“ на фудбалерите исчезнале во моментот кога ја напуштиле палатата. На фотографиите од скалите на авионот, со кој отпатувале за Сан Диего на пријателскиот натпревар против Јордан, целиот тим, вклучувајќи ги Луис Дијас и Хамес, изгледал пресреќно и насмеано.
Овој инцидент доаѓа во момент на големи политички тензии во Колумбија. Неодамна, со судска одлука му беше забрането на десничарскиот кандидат Абелардо де ла Есприела да го користи официјалниот дрес на репрезентацијата во политички цели, што предизвика бес кај опозицијата. Сенаторката Марија Фернанда Кабал порача дека „дресот му припаѓа на народот, а не на администрацијата на претседателот Петро“.
— Gustavo Petro (@petrogustavo) June 4, 2026
Претседателот Густаво Петро се обиде да ја смири ситуацијата објавувајќи фотографии од својата ќерка со други репрезентативци, како Хуан Фернандо Кинтеро и Даниел Муњоз, но горчливиот вкус по потегот на капитенот остана да „лебди во воздухот“.
