Таа е неговата „втора Дајана“: Еве кому му се обраќа принцот Вилијам кога му се потребни утеха и совет – а тоа не е кралицата Камила

Принцот Вилијам имаше само 15 години кога остана без мајка. Принцезата Дајана почина по страшна сообраќајна несреќа во Париз на 31 август 1997 година, оставајќи ги зад себе своите синови Вилијам и Хари.

Идниот крал рано остана без мајчинска фигура и морал низ животот да чекори без нејзината поддршка и да се помири со фактот дека секогаш ќе му недостасува да ја сподели и тагата и среќата со неа.

Таткото на принцот Вилијам, кралот Чарлс, во 2005 година повторно се ожени, и тоа со Камила Паркер Боулс, која во нивното семејство, иако не секогаш јавно видлива, била присутна со години, па дури и децении претходно.

Сепак, принцот Вилијам во неа не пронашол мајчинска фигура, ниту пак во која било жена од неговото пошироко семејство, туку во својата ташта, Керол Мидлтон.

„Вилијам отсекогаш имал добар однос со двата родители на Кејт, но особено со нејзината мајка Керол“, изјавил Грант Харолд, кој претходно бил батлер на кралот Чарлс.

„Кога работев со семејството, тој најчесто ги поминуваше викендите во нивната куќа, во што, знам, навистина уживаше“, додал тој.

Како што пишува порталот „Heart Bingo Online“, семејството Мидлтон е топло и гостопримливо и сигурно му пружило дел од „нормалноста“ по која копнеел во текот на своите дваесетти и триесетти години.

Керол Мидлтон е личност која буквално се појавила како негова „втора мајка“ по смртта на Дајана.

„Тој разговарал со неа кога нешто го загрижувало и кога му биле потребни совет или насоки. Така било отсекогаш“, додава Харолд.

Семејството на Кејт Мидлтон, сосема очекувано, е присутно на сите големи кралски настани, а постојат податоци дека токму принцот Вилијам инсистирал тие да бидат поканети на крунисувањето на кралот Чарлс, што е јасен знак за неговите чувства кон нив.

Врската меѓу принцот Вилијам и Керол Мидлтон не се вклопува во класичните стереотипи, а како што пишувала кралската биографка Кејти Никол, семејството Мидлтон сметало дека со венчавката на Вилијам и Кејт тие добиле син.

„Би можело да се каже дека Кејт и Вилијам, за разлика од повеќето парови, се чувствуваат најопуштено и најсреќно кога нејзините родители се во близина. Тензиите исчезнуваат и владее атмосфера на забава“, изјавил извор за „Daily Mail“.

Како што пренесуваат странските медиуми, Керол му помага на Вилијам да одлучи што да облече за своите кралски должности.

Вилијам е воодушевен од способностите на Керол, нејзината упорност, високото ниво на енергија, нејзините врвни организациски вештини и нејзиниот однос со другите луѓе, пишуваат странските медиуми.