Кога Меркур ќе се најде во Риби, логиката ѝ отстапува место на интуицијата, а емоциите можат да ја замаглат јасноста на мислите. Овој транзит носи поапстрактен, попоетичен начин на размислување, но и поголема склоност кон недоразбирања, заборавеност и погрешни проценки.

Како Меркур во Риби влијае на сите знаци?

Главно, за време на Меркур во Риби ги бираме зборовите со срцето, а не со главата, што може да биде прилично комплицирано во секојдневната комуникација.

На глобално ниво, Меркур во Риби влијае на сите знаци на Зодијакот така што ја засилува фантазијата, емпатијата и потребата да се слуша внатрешниот глас.

Истовремено, рационалното планирање, прецизните договори и јасните рокови можат да станат проблем. Во наредниот период очекувајте дека одлуките понекогаш ќе ги носите импулсивно, често без сите потребни информации, па затоа е важно да ги проверувате фактите и да не се потпирате само на впечатокот.

Сепак, за три знаци овој транзит може да биде особено предизвикувачки.

Близнаци

Како знак со кој владее Меркур, Близнаците силно ја чувствуваат секоја негова промена.

Во Риби, Меркур им носи конфузија, расеаност и чувство дека ја губат контролата над информациите. Комуникацијата со другите може да биде полна со недоразбирања, а ветувањата што ги давате во овој период тешко се исполнуваат.

Девица

Девица природно тежнее кон ред, анализа и јасни правила, што е во директен судир со енергијата на Риби!

За време на овој транзит, Девиците може да имаат впечаток дека деталите им се лизгаат од раце и дека другите не ги почитуваат договорите. Преоптовареноста со туѓите емоции дополнително го отежнува фокусот и донесувањето рационални одлуки, па обидете се малку повеќе да мислите на себе.

Стрелец

Стрелците може да имаат проблем со концентрацијата и јасното изразување на ставовите во наредните недели.

Меркур во Риби ги поттикнува кон идеализам, но и кон преголеми очекувања од другите. Поради тоа разочарувањата се почести, особено во разговорите поврзани со работата и семејните односи.