Арон Тејлор-Џонсон (35) и неговата сопруга Сем Тејлор-Џонсон (58) ги привлекоа погледите на ревијата на Сен Лоран на Неделата на модата во Париз.

Парот, кој ретко се појавува во јавноста, овојпат реши да ги изненади сите присутни и да ги покаже своите модерни модни комбинации. Може да се каже дека нивниот изглед бил достоен за терминот „моќен пар“.

Арон, кој се смета за најубавиот маж на светот, одлучил да облече интересно издание за оваа пригода, кафеав кожен капут кој го комбинирал со класична вратоврска, црни панталони и бела кошула.

Сем, од друга страна, воодушевила во темнозелен миди фустан. Станува збор за модел со прав крој и без детали. Самата креација е дизајнирана за малку полежерна верзија, но режисерката ѝ дала попразнична нота со помош на паметно одбрани детали.

Имено, таа се одлучила за високи црни потпетици. Додала и пар очила за сонце кои совршено го комплетираат изгледот.

Вљубените биле видливо расположени, додека разменувале погледи и насмевки за време на фотосесијата за медиумите.

Љубов на прв поглед

Да ве ​​потсетиме дека Арон и Сем се запознале на снимањето на филмот „Nowhere Boy“, кога Арон имал само 18 години, а Сем 42 во тоа време.

Актерот еднаш рекол дека знаел дека таа е „вистинската“ штом ја видел и се докажало дека бил во право.

„Веднаш знаев дека Сем е мојата сродна душа и дека сакам да го поминам остатокот од животот со неа. Добро се сеќавам на тој ден, како и на денот кога ѝ предложив брак“, изјавил тој тогаш.

Тој јавно зборуваше и за фактот дека разликата во годините никогаш не била пречка во нивната врска, како и дека никогаш не се покајал за својата одлука да се ожени со режисерката.