Сигурно ја имате во кујна: Тајна состојка со која компирчињата од рерна ќе бидат златни, крцкави и вкусни

Речиси и да нема човек кој не сака да јаде пржени компири, а без разлика колку се вкусни купените, сигурни сме дека дома можете да ги направите уште повкусни и покрцкави.

Не ви е потребна фритеза ниту некои посебни кулинарски вештини, само една посебна состојка и компирите од рерна ќе бидат неодоливо крцкави.

За да подготвите совршени крцкави компири, ќе ви требаат неколку мали компири, сад со ладна вода, три лажици маслиново масло и две лажици пченкарно брашно.

Исечете ги компирите на парчиња со дебелина од 1 до 1,5 см, потоа исечете ги на стапчиња со иста ширина. Потопете ги во ладна вода од 30 минути до три часа.

На овој начин, ќе го отстраните вишокот скроб, кој инаку би ги залепил компирите за време на печењето.

Потоа темелно исушете ги со кујнска крпа. Зачинете ги со сол, бибер и други зачини по желба.

Прелијте ги со три лажици маслиново масло и добро измешајте за секое парче компир да биде рамномерно обложено.

Поставете плех со хартија за печење и распоредете ги компирите врз него, потоа посипете ги со две лажици пченкарно брашно и втријте го рамномерно во нив.

Печете во претходно загреана рерна на 180 °C околу 20 минути или додека не омекнат и лесно не поруменат.

Потоа зголемете ја температурата на рерната на 220 °C и свртете го секој компир и вратете го во рерна уште 10 минути.

За време на печењето, проверете дали помфритот е рамномерно испечен и, доколку е потребно, поместете го од рабовите кон центарот.

Уживајте во вкусот!