„Многу е поевтино од фејслифтинг“: Советот на славната актерка што секоја жена дефинитивно треба да го примени

Ѕвездата на новата серија „Mob Land“, меѓутоа, никогаш не била од оние што се обидуваат да ги скријат своите години, туку гордо ги носи брчките и белите влакна и зрачи со самодоверба што ретко се гледа кај светски познатите убавици.

Токму ова им го препорачува Хелен Мирен на сите што размислуваат да одат „под нож“ за да бидат позадоволни од својот изглед – прво добро да се погледнат себеси и да утврдат дали можат да се чувствуваат сигурни во себе такви какви што се.

„Пред да почнете да размислувате за тоа, обезбедете ѝ на вашата бања навистина добро осветлување, така што секогаш кога ќе се погледнете себеси, ќе бидете прекрасно осветлени и ќе изгледате одлично… Тоа е многу поевтино од фејслифтинг!“ изјавила добитничката на Оскар.

Како што истакнала, таа е сосема сериозна кога зборува за осветлувањето, бидејќи верува дека тоа е еден од главните фактори зошто луѓето се чувствуваат непривлечно.

„Мислам дека би било ужасна грешка да се подложите на пластична операција кога имате 20 години. Вашето лице се менува. Не сакам да ги критикувам луѓето и да ги напаѓам за она што ги прави среќни. Но, би било ужасно ако се обидете да изгледате како лажна слика за себе“ додала Мирен.

Таа не е противник на естетската хирургија, како што нагласила, но верува дека таа треба да биде последно решение.

„Ако жените или мажите се чувствуваат сериозно понижени, поразени или депресивни кога ќе се погледнат во огледало, ако се обесхрабрени од она што го гледаат и имаат финансиски и ментални можности, што и да е, можат да го променат тоа, во ред“ изјавила актерката за „Elle“.

„Мислам дека поради социјалните мрежи и она што апликациите можат да го направат, навистина може да се почувствувате депресивно кога ќе ја погледнете реалноста. Мислам дека тоа е многу, многу тажна состојба“ смета таа.