Актерката, во пресрет на ревијата на „Диор“ на Париската модна недела, објавила видео во кое се појавила без ни трошка шминка и покажала како за само неколку моменти го подготвува лицето со ледена купка. Подоцна на ревијата се појавила со многу дискретна, природна шминка која дополнително ја нагласила свежината на нејзиниот тен.

Подготовки во хотелска соба

Непосредно пред заминувањето на ревијата на женската колекција на „Диор“ за есен/зима 2026 – 2027, одржана вчера, Чопра се подготвувала во својата хотелска соба со визажистката Морган Мартини.

Актерката од филмот „The Bluff“, која со сопругот Ник Џонас има четиригодишна ќерка Малти, се снимила во бел пењоар, без шминка и со мокра коса, а со насмевка покажала кон сребрената чинија за шампањ исполнета со мраз.

„Елегантна француска чинија“, рекла Мартини, додека Чопра потврдила дека „се подготвува за ревијата на „Диор“.

Потоа Пријанка длабоко вдишала, кратко се насмевнала и го потопила лицето директно во ледената вода. Во следниот кадар можеше да се види како излегува од водата и зема здив, додека водата ѝ се спуштала низ лицето.

„АСМР со При“, се пошегувала визажистката и ја прашала: „Добро ли си?“, додека актерката ги бришела очите.

Минималистички изглед на ревијата

Се чини дека едноставниот трик бил успешен, бидејќи Чопра подоцна на ревијата во „Jardin des Tuileries“ се појавила со речиси незабележлива шминка.

Нејзината блескава кожа била во прв план, а ја нагласила само со нежна кафеава сенка за очи, без маскара и ајлајнер, како и со топло руменило во боја на праска на образите и усните.