Актерката, која домашната публика најмногу ја познава по улогата на Сузан Маер во серијата „Desperate Housewives“, го прослави 61-от роденден, иако нејзиниот изглед кажува нешто сосема поинакво.

Тери е позната по тоа што секогаш јасно го изразува својот став и отворено зборува за сите теми – па и за стареењето. Она со што навистина може да се пофали е природната убавина во седмата деценија, на која многумина можат да ѝ позавидат.

Иако кај нас најмногу е позната како Сузан Маер, Тери зад себе има богата и завидна кариера. Беше рамо до рамо со Силвестер Сталоне во комедијата „Tango & Cash“, а потоа следуваше улога во „Seinfeld“. Тери може да се пофали и со тоа што беше Бондова девојка – глумеше со Пирс Броснан во „Tomorrow Never Dies“.

Токму по филмот за Џејмс Бонд, Тери беше прогласена за најзгодна жена на светот, а ја споредуваа и со Моника Белучи.

Бурен љубовен живот

Исполнетата кариера значела и исполнет приватен живот, па Тери била мажена двапати. Првиот брак траел само една година, а потоа – од 1994 до 2003 година – беше во брак со Џон Тени, со кого доби ќерка.

Пред речиси 20 години се најде во центарот на вниманието кога откри дека вујко ѝ ја злоупотребувал кога имала само пет години. Иако мислела дека ќе молчи до крајот на животот, кога дознала дека веќе е уапсен поради слични обвинувања, решила да проговори – а случајот бил решен благодарение на нејзиното сведочење.

Моментално е сама и ужива во времето со својата ќерка, како и во бројните комплименти што ги добива. Неодамна предизвика лавина коментари кога зборуваше за стареењето и повторно ги демантираше сите гласини за наводни естетски корекции на кои наводно се подложила.