Кога пред неколку години фотографиите од Елидаеј го преплавија интернетот, оваа скромна градба веднаш го доби прекарот „најосамената куќичка на светот“. Сите се прашуваа кој ја изградил, кога и зошто, и дали воопшто некој живее во неа. Исландското островче, на кое се наоѓа оваа убавица, преку ноќ исплови од целосна анонимност и стана вистински хит.

Како да испаднала од култната приказна „Пале сам на светот“ која сите ја сакавме

Да почнеме по ред. Елидаеј е ненаселен остров кој се наоѓа јужно од Исланд. Припаѓа на Вестманските Острови, односно вулканскиот архипелаг Вестманејар, кој се состои од 15 до 18 острови и различни помали карпи. Има површина од само 0,45 квадратни километри, а негови единствени жители се прекрасните тупици, познати како пуфини или морски папагали.

И сега доаѓаме до клучното прашање. Ако островот е ненаселен, од каде тогаш куќа на Елидаеј? Бидејќи, гледајќи ја на фотографиите, невозможно е да не се помисли на легендарната детска приказна „Пале сам на светот“, која ја напишал данскиот писател Јенс Сигсгард.

Теоријата за милијардерот кој таму сакал да се сокрие од зомби апокалипсата

Во суштина, за најосамената куќичка, која постојано ја интригира јавноста, постојат многу бизарни теории. Според една, ја изградил извесен милијардер кој планирал во случај на зомби апокалипса да се пресели на овој изолиран остров. Според друга, на исландскиот Елидаеј живее религиозен пустиник. Се разбира, ниту една од овие приказни не е вистинита — но, има уште!

Третата теорија сугерира дека во куќичката живее исландската пејачка, кантавторка и актерка Бјорк. Имено, поранешниот премиер Давид Одсон во февруари 2000 година навистина ѝ понудил на музичката ѕвезда ексклузивно користење на островот Елидаеј, бидејќи, како што рекол, „толку многу направила за земјата“, но мислел на истоимениот остров во заливот Брејдафјордур, а не на овој. Сè на сè, Бјорк го одбила.

А тука е и четвртата теорија. Според неа, осамената куќа всушност воопшто и не постои, туку е најобично дело на фотошоп.

Еден исландски ја изградил во 1953 година како своја база за лов на тупици

На крајот се покажало дека историјата на куќичката е сè, освен спектакуларна. Како што пренесува порталот „Travel Book“, како база за лов на тупици, во 1953 година ја изградил рибарски и ловечки клуб Елидаеј. Освен тоа што никој не живее во неа, изгледа дека куќата нема ниту струја, ниту тековна вода, но, како што се тврди, на имотот има сауна. Покрај тоа, на брегот спроти куќата буквално е вграден и стара колиба, наменета за складирање.

Според пишувањето на онлајн патничкото списание „Norr“, на нереално убавиот Елидаеј пред околу 300 години живееле пет семејства, кои за живот се издржувале со сточарство, риболов и лов на тупици. Последните жители го напуштиле островот во 1930 година.

До островот со куќичката може да се дојде со еднодневен излет со брод

Исландската влада подоцна го прогласила за природен резерват, а куќата сè уште повремено ја користат научници, главно за истражувачки цели. За оние кои сакаат да ја видат и да ја фотографираат најизолираната куќа на светот, достапни се водени еднодневни излети со брод. Исти такви излети организираат неколку компании од Хеимаеј, главниот остров во архипелагот Вестманејар.