Иако за многумина празниците се најубавото време од годината, постојат и оние на кои целата таа еуфорија едноставно не им одговара, а секој кој ќе се осмели тоа да го признае ризикува да биде наречен Гринч. Токму за тоа на Инстаграм проговори Хана Басби, чие видео станало вирално.

Проблемот не е во лошите спомени

Хана во видеото објаснува дека луѓето веднаш помислуваат дека зад нејзината одбивност кон празниците стојат трауми од детството, но таа истакнува дека нејзината реалност е сосема поинаква.

„Морам да признаам дека го мразам Божик. Тоа е нешто што го држам прилично блиску до срцето, а исто така и нешто во што луѓето веројатно нема да ми веруваат“, започнала таа. „Не е дека имав несреќно детство, или дека мајка ми не го направи Божик апсолутно спектакуларен и посебен, затоа што го направи. Не знам што да ви кажам. Едноставно ми се не допаѓа.“

Преголем стрес и стимули

Иако ни самата не е сосема сигурна каде точно е проблемот, Хана верува дека дел од причината е стресот и анксиозноста што ги носи Божик – од преполните трговски центри до притисокот сè да биде совршено на тој посебен ден.

„Години се обидував да ја разберам причината. Дел од мене мисли дека за мене, како невродивергентна личност, тоа е многу преоптоварувачко. Многу светла, многу звуци, многу луѓе кои се многу весели и среќни за Божиќ“, додала.

Дневен предизвик во потрага по духот на Божик

Сепак, Хана инсистира дека „не е Гринч“ и дека учествува во некои обичаи, како отворање на адвент календар и украсување на елката. Што повеќе, оваа година си поставила предизвик да секој ден до крајот на декември направи „нешто божиќно“ со цел да се обиде да го пронајде празничниот дух.

Своето патување го документира на Инстаграм, каде веќе објавила снимки од балетска претстава и посета на Дедо Мраз. Сепак, изгледа дека магијата засега недостасува. „Дали го чувствувам божиќниот дух? Воопшто, за жал“, признала таа во едно од видеата.

Многумина се согласиле со неа

Нејзината искреност ги воодушевила следбениците, кои ја фалат бидејќи отворено зборува за својата одбивност кон Божик во време кога се очекува од сите да бидат среќни и весели.

„Благодарам што си отворена и искрена за ова“, напишала една личност. Друга додала: „Постојат многу очекувања да се помине фантастично време. Јас работев во засолништа за бескуќници за Божик и тоа донесе одредена доза реалност за многумина. Тоа е тешко време.“

Трета личност изразила слично мислење: „Се согласувам. Очекувањата се преголеми. Притисокот е премногу.“

„Драго ми е што не сум единствена. Оваа година се принудив да купам елка за да го разбудам божиќниот дух (и во некоја мера успеав, лол)“ и „За мене тоа е таа преоптоварувачка обврска. Обврска да трошам пари, да земам слободни денови кои всушност не можам да си ги дозволам, и да бидам весела и расположена без разлика на сè. Плус, чувството на вина затоа што генерално се воздржувам од целата празнична сезона. Би сакала да уживам во тоа, но сето тоа ми е само стрес. Драго ми е да слушнам дека не сум единствена“, се само некои од коментарите.