На овој начин дури и ќе го намалите отпадот дома.

Во продолжение шест начини како да ја искористите водата во која се вареле тестенините:

Наводнување на растенијата

Доколку не додавате сол или други зачини во водата во која ги варите тестенините, таа може да стане одлично природно ѓубриво за растенијата.

Скробот во оваа вода е богат со минерали кои се корисни за растенијата и го поттикнуваат нивниот раст. Кога водата ќе се олади, можете да ги наводнувате растенијата со неа.

Природен одмастувач

Благодарение на скробот што го ослободуваат тестенините за време на варењето, водата од тестенини има благ ефект на одмастување.

Истурете ја водата додека е сè уште топла во сад или директно врз валкани чинии и тави. Оставете ја да делува неколку минути, а потоа измијте ги садовите како и обично.

Ќе забележите дека маснотиите и нечистотијата полесно се отстрануваат. На овој начин, не само што ќе избегнете агресивни хемиски средства, туку и ќе заштедите детергент.

Омекнување на косата

Откако ќе нанесете шампон на косата, можете да ја користите млаката вода во која се вареле тестенините за природно плакнење.

Благодарение на скробот, косата ќе биде помека, посјајна и негувана.

По плакнењето со вода од тестенини, завршете со плакнење со обична вода за да ги отстраните сите остатоци, а косата да ви биде светла и сјајна.

Отпушување на затнати одводи

Ако забележите дека мијалникот се затнува, истурете ја врелата вода од тестенини во одводот.

Топлината и скробот во водата ќе помогнат да се растворат мастите и остатоците од храна што често предизвикуваат затнувања. Можете да ја повторите постапката еднаш или двапати за подобри резултати.

Подготовка на леб и пица

За да го подготвите тестото, можете да ја користите водата во која се вареле тестенините. Благодарение на скробот, тестото полесно ќе нарасне.

Само бидете внимателни: водата треба да биде млака, а не врела.

Искористете ја за сос

Ако ви треба повеќе вода за динстување на сосот со кој ќе ги сервирате тестенините, можете да ја искористите водата во која сте ги вареле бидејќи тоа ќе им даде побогат вкус.